العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الشعر والخواطر

إضافة رد
 
أدوات الموضوع انواع عرض الموضوع
قديم 04-06-2010, 12:34 PM   #1
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
Thumbs up قصائد الشاعر المرهف اسحق الحلنقي

السلام عليكم ورحمة الله وبركاته

أنا من الذين يحبون قصائد الشاعر المرهف اسحق الحلنقي
احسست بان لي الرغبة في ان انثر لكم بعض قصائد الحلنقي
الشاعر اسحق الحلنقي من ابناء كسلا حي الحلنقة وينتمي
الي قبيلة الحلنقي وهي قبيلة حدودية بين ارتريا ومدينة كسلا

معا لنبحر في بعض قصائده


الشمس


صدق أمس ..

شفت الشمس

بضوى فى حفلة عرس

وطبعا ده اصلو المستحيل

تطلع شمس والدنيا ليل

لكن وحات وطنى الجميل

والخضره والظل الظليل

شفت الشمس بعيونى ديل

فى الحفلة بتغنى وتشيل

شفنا العريس قام قوًمها

حلف عليها وخصمها

بس رقصة واحدة تقدمها

واتدللت متبسمه ...

قامت عزيزه مكرمه ..

وبى خطوه حالمه منغمه

الخطوه جات متقسمه

خلت قلوبنا مقسمه ..

دى هديه جاتنا من السما

وحفلتنا بيها .. بنختمها
__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:35 PM   #2
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

صفق العنب

على صفق العنب اسمين
كتبناهم بدمع العين
ومرت بينا غيم الفرقة
واتفارقنا مجبورين
ولما رجعنا من غربتنا
فرحانين مع العايدين
لقينا الريح محا الذكري
بكينا على ضياع اسمين
***كتبناها الاسامي زمان
وتشهدى يا ضفاف النيل
طفولتنا القضيناها
زغاريد فرحة شاقة الليل
سنينا تضوى بي الامال
وكل العشناه زاهى جميل
وماشين فى دروب الريد
نغنى والاماسي تشيل
جاتنا الفرقة زايرة ديارنا
بى ليلا الى ما يندار
بقت فينا شالت زهرتا نضار
ساعة الدار
خلت بينا نار وشمعة
لاحظ شمعة يانوار
سواقينا الحزينة بكت
على الريد الولفنا زمان
****
كبرنا الليلة جينا نشوف
حكاية حزينة لى قلبين
كنا زمان رسمناهم
على صفق العنب اسمين
كنا زمان رسمناهم
على صفق العنب قلبين
على صفق العنب طفلين
قايلين نلقى ماضى الذكري
فوقنا يلالى زى نجمين
لقينا الريح محا الذكري
بكينا على ضياع اسمين


__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:36 PM   #3
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي


أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال


__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:37 PM   #4
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

هجرة عصافير الخريف هي ايضا من روائع الحلنقي
والتي تغني بها الموسيقار محمد وردي فكانت لوحة
وملحمة رائعة


هجرة عصافير الخريف/اسحاق الحلنقي
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف

تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها

غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:38 PM   #5
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

يلا وتعال يلا!!

يلا وتعال يلا

نهاجر في بلاد الله

ننسى الناس ينسونا

والله ننسى الناس ينسونا

وفوقنا الطيبة تتدلا

نعيش زي الطيور ماتعيش

وتفرد لجناها الريش

تضمنا عشة الريدة

ويفوت فوقنا الغمام تعريش


نفوت من سكة رواحة

ونتوه من واحة لواحة
شتيلة ريدنا يا حنين

يضون بهجة في الساحة

حلاوة الدنيا تلقاها

تجينا سحابة شايلاها

دروبنا تلم وريدنا يتم

وانت تقولي يا آهة

ونرتاح من كلام قالو

ومن عينو دمعتين سالو

آثار الهم نطويهو

نخلي الفرح بدالو

يلا وتعال يلا

نهاجر في بلاد الله
ننسى الناس ينسونا

والله ننسى الناس ينسونا

وفوقنا الطيبة تتدلا
__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:39 PM   #6
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

انت مافي .
انت مافي اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي
__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:40 PM   #7
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

رائعة الحلنقي في رثاء الاديب عمر الحاج موسى


مهما الزمن .. طلع قمر
وغيب قمر ما بجيب قمر يشبه عمر
كان مس بي ايده التراب يصبح درر
وكان حدثك ترحل بعيد لى دنيا ما دنيا بشر
شفتوهو كيف فى المؤتمر حرك شجون
القلبه منسوج من حجر الاعمي يوم داك ما نظر
والحسه ما بشعر شعر آه يا قدر امرك صدر
ماترشى ارضنا يا مطر وما تهدى موجك يا بحر
طال ما عمر تحت التراب الحلوة كان ضقناها مر
والسمحة كان جات ما بتسر وفرحنا بعد قصي عمر
كان وش سمح بي لمسته يداوى الجرح
كان طيبة فى الاعماق تلح كان حاله زين ما بدور شرح
تلقاهو دايما منشرح عقد الندي نفحة عبير عطر الطلح
للسمحه بسرع فى الخطا وفى القاسية ثابت ما بزح
كان الرجى وكان للحيارى المرتجى المستجد
كان بفتح ابواب النجا كان شعله بالحب الكبير متأججه
فى نظرته فى عزته ما بحجوا بيهو الناس حجا
الكلمة ما كان بيكونها وبيلونها وبحننها ويبجيبها ليك
تحلف عروسه متوجهة ... اخو فى القسي
والليلة خالد ياحليله يقول ابوى
وما بلقي غير صمت الاسى العزة ما كان حارسها
والسمحة ما كان فارسها كان مدرسة لى كل عظيم
التاكل يبكي عليك دموع تاجوج تنوح
شجر الاراك زابل فروع ومحلق اللابس الدروع
غرقان دموع والقمرة ما دايره الطلوع
الناس تئن حس النحاس يبكي ويرن
ومحمد الحافظ على العهد القديم صلى فى خشوع
لى الله يرحم جيتك فى آخرتك تكسب ثواب
ما كان بطل فى العز قدل كان المحارب فى كرن
وكان المناضل فى حروب ليبيا ومعارك كل زمن
كان حبه فى الدنيا الوطن من راحته من عافيته
كم دفع الثمن وياما الزمن ليهو اتمحن لكنو اجتاز المحن
ورايات معزته بالمفاخر هفهفن اخدر نحيف شامخ جبينه
كأنه سيف اعماقه حس فنان رهيف وكل دينه مصحف شريف
ماسد باب دقاهو ضيف فى الدنيا كم درج شقى وفرح ضعيف
الليلة عاينو الدنيا كيف حزنانه كيف
لابسه السواد شايله الرماد الليلة ما انكسر الجواد
يا حليل عيونه الصافيه كلها اعتداد
الناس يوصوا علي الصبر ويقولوا غايتو كلام معاد
كيف الصبر يا اخوانى عاد والكان بعلمنا الصبر خلانا فات
من غير ميعاد .
__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:41 PM   #8
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

يا راجياني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

لمّ سحابة تلاقي سحابة

وتنزل منها دمعة عشاني

لمّ تلاقي مسافر عايد

تمشي وتسألي عن عنواني

وانا عنواني عيونك انتي

وأي مكان تمشيهو مكاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

ياالفرهدتي فرح جواية

أنا جملتك بألواني

أنا علمتك تاخدي المعنى

من إحساسي وتدي معاني

أنا سافرت عشانك انتي

وسبت البلد الما ناسياني

كم حاولت أصارحك ياما

إلا العزة بقت مانعاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

إستنيني ولو حاولت تصدي حناني

إستنيني ولو حاولت تصدي حنيني

ياما حتشقي ماظن تلقي

حِنيّن زيي يريدك تاني

ألأيام وانا قربك انتي

مهما تطول محسوبة ثواني

إنتي جمالك ياهو جمالي

وانتي زهورك من ريحاني

الأفراح بعرف ميعادا

وأي زمان تلقيهو زماني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحدانى
__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:42 PM   #9
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

اعــــــــــــذريني @

اعذريني الدمعة دي حتبقى اخر دمعة لي
تاني لو قربت منك يبقى ليك الحق علي
اعذريني محال اعاود تاني ريدتك وامشي ليها
ولا ارحل في عيونك والطفولة الضاجة فيها
كيف اريدك وانت اصلك ريدتي ما حسيتي بيها
بالبعاد ما تعذبيني واعذريني واعذريني
ما قدرت مرة واحدة بالغلط اغلط عليك
وانت عمرك كله ظالمة والدليل غفراني ليك
عارفو قلبك ما معاي برضي شاغل قلبي بيك
بالحنان ما تعشميني واعذريني واعذريني
من زمان وانا راجي منك كلمة بيها تفرحيني
وانت ما فرحتي قلبي وكنت ديمة بتجرحيني
قسمة الزول ما بتفوتو والبجيني معاك بجيني
لو بكن منك عيوني سامحيها واعذريني


__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
قديم 04-06-2010, 12:44 PM   #10
ملكه
عضو مميز
 
الصورة الرمزية ملكه
 
تاريخ التسجيل: Mar 2010
المشاركات: 4,392
افتراضي

عيش معاي الحب

عيش معاي الحب عيش معاي حناني
خليني أنسى سنين عشتهم وحداني

إيه يضرك تسأل يوم علي يا غالي
وإنت وحدك عارف همي عارف حالي

كيف أواصل صبري في الطريق الخالي
كيف بدونك تصبح اليالي ليالي

أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني

برجى الأيام وستنى أمالي بين نيراني
والهجر مهما يألم يرجع حنانك تاني

لو كان جفيتني خليتني وحدي برايا
مع ليلي الوحدة والشوق حنينو معايا

ما بسيبو غرامك رضيان معاك بشقايا
وقت الطريقك يوصل أعرف نهايتة خطايا
__________________
نقره لعرض الصورة في صفحة مستقلة
ملكه غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 05:25 PM


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved. منتديات