العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الغناء والموسيقى

إضافة رد
 
أدوات الموضوع انواع عرض الموضوع
قديم 03-27-2011, 10:05 PM   #191
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 11,979
افتراضي

القمر بوبا

غناء محمد وردى

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل
الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل
القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل
الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 03-29-2011, 12:07 PM   #192
كمال محمد (قجه)
:: نائب المشرف العام ::
 
الصورة الرمزية كمال محمد (قجه)
 
تاريخ التسجيل: Feb 2010
الدولة: المملكة العربية السعودية - الرياض
المشاركات: 41,957
افتراضي

الشاغلين فؤادي

الشاغلين فؤادي وتاييهن فاييقين
اصلي البي نازف دمع المايقين


النسيم عودني اقوم من نومي تاب
مشغول فكري سارح مشطوب انشطاب
يالنسيم بالله تجيب ردالخطاب
أوع الجاهلة نيا وما بتحمل عتاب

من القبلي لاح لي برق لمع
والصيد في الخمايل يا ناس اجتمع
قومو يا احبة نسترق السمع
ما بطيق القعدة والمايق دمع

**
شوق احبابي لي مولاي قدرو
انسلبت لحومي وعضاي خدرو
لاموني العوازل بي حالي ازدرو
هم شايفين دلالو وتايهين ما درو (وفي مقولة اخر :هم شاغلين فؤادي وتايهين ما درو)

سامرت الكواكب لما البدر لاح
منادي الفجر نادى وقال يا اهل الصلاح
صلو الوقت حاضر .. قامو اهل الصلاح
وانا الليل قايمو .. لا خيال لي لاح



البلابل ناحت في الليل الهجيع
سهرانات عيوني ومابيات الضجيع
من الحالة ديك اخير لي النجيع
واحسرة شبابي ما لقيت لي وجيع
__________________
كمال محمد (قجه) غير متواجد حالياً   رد مع اقتباس
قديم 04-04-2011, 05:17 PM   #193
احمد حامد / كسلا
عضو مميز
 
تاريخ التسجيل: Feb 2010
المشاركات: 2,047
افتراضي

من أوصاف عديدة
من اوصاف عديدة ظهرت بى قوافى وفنون جديدة

افكارى تايهه
---------------
حبك يا حبيبى اصبح لى فريضة

يا الحسنك مكمل يا الذاتك فريدة

انت سلبت روحى وانا روحك بريدة

بى حالى وسهادى نجوم الليل شهيدة
----------
تطربنى القمارى بى حسنك غريدة

الروح تهوى زاتك يا حبيب انت سيده

يا عقد الجواهر يا معنى القصيده

تضرب بى سهامك ارواحنا وتبيده
-----------
.............................

انا يانور عيونى محبتى ليك اكيدة

يا الحزت المحاسن من اول جديده

شفنا الصيده عارت من جيدك وريده

احمد حامد / كسلا غير متواجد حالياً   رد مع اقتباس
قديم 04-09-2011, 07:49 PM   #194
الصادق قدورة
عضو مميز
 
تاريخ التسجيل: Feb 2010
الدولة: المملكة العربية السعودية ** الرياض**
المشاركات: 10,976
افتراضي

الصغيرة شجيرة الأراك
ياقمر عشرة الفي سماك

شاغلة روحي وقلبي المعاك
وين لقيتك لامن آباك
القمر بوبا عليك تقيل
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل
الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل
القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل
الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

اختيار اروع وكلمات تحكي اصالة بلدي وايام صفاء
حفظك الله ام عسجد وسلمت لاختيارك الاجمل الاروع
__________________
أبوسماح
الصادق قدورة غير متواجد حالياً   رد مع اقتباس
قديم 04-11-2011, 03:16 AM   #195
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 11,979
افتراضي

الجميل هو مرورك ياذوووووووق
الف شكر ابوسماح
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 04-11-2011, 03:17 AM   #196
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 11,979
افتراضي


كلمات اغنية جاي تفتش الماضي

جاي تفتش الماضي خلاص الماض ولي زمان
وجفت مغلتي الباكية ونامت من سنين احزان
؛؛؛؛؛؛وجاي تفتش الماض
جاي تترجي بالدمعات اسامحك انسي واغفرليك
واجفف دمعك الغالي واسامحك ما عشان عينيك
عشان تتعلم الغفران وتصفح لو زمن جار بيك
وجاييييييييييييييييييييييييييي تفتش الماضي
ارجع بالزمن مرة واتزكر حكايتي معاك
تلقي القصة جد مرة ما راعيت شعوري معاك
كل ما تزيدني في هجرك اقول ليك زيني ما احلاك
لا نفع التشفع ليك ولاهجراني يوم هماك
وجايييييييييييييييييييييييييييي تفتش الماضي
عزة نفسي مابيه علي اسلم نفسي ليك تاني
سنين الهجري بيناتنا وحاجات ثانية حامياني
لو رجع الحنين عاود وليك من تاني وداني
لو مكتوب علي احب بحب انسان يكون تاني
ما انت وجايييييييييييييييييي

__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 04-18-2011, 04:48 PM   #197
احمد حامد / كسلا
عضو مميز
 
تاريخ التسجيل: Feb 2010
المشاركات: 2,047
افتراضي

بسم الله الرحمن الرحيم
الشاعر الفذ:ـ عبيد عبد الرحمن:ـ
حجبوه من عيني


حجبوه من عينى إلا من قلبي
لا ما قدروا حجبوه
****
حجبوه من عينى وضاروه حاسدنى
بقو بينه ما بينى
لا أدرى ما ذنبي المنعوه من حبي
وبعدوه من قربي وابو لا يبارحوه
هو منطقى وذوقى سموه معشوقى
الليهو زاد شوقى مع أنه فى قلبي
هو الوحيد حبي
***
يا عوازلى وصحبي بس ما تشوفوه
هو ما بتشوفه عيون وما حاموا حوله ظنون
***
وديع رقيق وحنون
هو القطعة الشيقة
والشمس المشرقة
والنار المحرقة
أهو رمزى حلوة



احمد حامد / كسلا غير متواجد حالياً   رد مع اقتباس
قديم 04-21-2011, 11:15 AM   #198
حبيب الله قدوره أحمد
عضو مميز
 
تاريخ التسجيل: Apr 2010
المشاركات: 394
افتراضي

مت فى قلبى
الشاعر د/ عبدالقوم - غناء المقيم بين الحنايا مصطفى سيد أحمد
مت فى قلبى ولم أبك عليك
فهميم الدمع قد مضى قديماً
قبل أن أدنو اليك
ان عقلى يتعجب !!!
كيف قلبى فيك يخدع
وتقول لى ...
صرت قلباً من حجر
أنا قد مزقت قبلاً .
وتناثرت بعيداً مثل أوراق الشجر
وتجرعت كئوسك وتوسدت الفجر
***
مت فى قلبى فدفنتك
خارج القلب الحجر
تربتى أطهر أن يدفن فيها
من غدر
هكذا الغدر الأمد
عدت من دفنك وحدى أتألم
وأدارى قلبى المكسور غدراً قد تبسم
وأغنى للربيع الغض وبالاشراق والآمال نغم
ذبحت كفاك قلبى
وتقول لى صرت قلباً من حجر
أنت ظالم ... أنت جور
أنا احساس وحب وشعور
أنا فى العالم فرحة أنا فى الظلمة نور
***
__________________
أبومحمد
حبيب الله قدوره أحمد غير متواجد حالياً   رد مع اقتباس
قديم 04-23-2011, 02:00 PM   #199
محمد المجتبي
عضو مميز
 
الصورة الرمزية محمد المجتبي
 
تاريخ التسجيل: Apr 2011
الدولة: الخرطوم\الرياض
المشاركات: 624
افتراضي

منتدي مدينه سنجه > الصور والأغانى والموسيقى والفيديو > منتدى الأغانى والموسيقى والفيديو > موسوعة الاغاني السودانية المكتوبة {{ اي اغنية موجودة }}

--------------------------------------------------------------------------------
ا {{ اي اغنية موجودة }}


--------------------------------------------------------------------------------

الاخوة والأخوات
بمنتدي سنجه الغالي
السلام عليكم
هذا البوست بمثابة جمع الأغاني السودانية
المكتوبة وراودتني هذه الفكرة ونود هنا أن
نتعاون مع بعض لتشكيل مكتبة الأغاني
السودانية الأصيلة والرائعة والمطلوب من
أي شخص يحفظ أي أغنية أو عارف أي
أغنية ينزلها هنا أو يدونها علي البوست
ولو أمكن كتابة إسم الشاعر والفنان والمحلن
ويلا نتبدأ

--------------------------------------------------------------------------------

الشوق و الريد
*************
والحب البان في لمسة إيد
وأغاني نقولا00
والدنيا زهور00في عينينا
تصبح كل يوم 00زي طفل وليد
*******************
كل الأشواق00
وآهه بتجرح00قلب المشتاق
ليك ياهاجر00ليك رسالة
لو روحك يوم تنسى دلالها
ليك رساله
تشوفنا قريب ماتتعالى
نسأل عنك وعن حالا
نعيد الكان00حليل الكان
نخلي الحب يسرح بينا
يبقي جناحين00ويطير بينا
******************
نشوف الدنيا ربيع و زهور
نسكت و تتكلم عينينا
ليك رساله
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّا

--------------------------------------------------------------------------------

حبيبى اكتب لى .. وانا اكتب ليك
بالحاصل بى .. والحاصل بيك
الحاصل بى ..انا شوق وحنين
واقيم الليل .. آهات وانين
فارقنى حبيب .. آلفنى سنين
ماليك امان .. يا دا الزمان
يا ليالى زمان .. الله عليك
****************
اذكر جلوسنا .. على الربى
نستعرض .. اسراب الظبى
نسمع لهمسات ..الصَبا
ونحنا فى .. فجر الِصبا
ابسم اليك ..تبسم معاى
تسمع .. غناى ..
مع صوت الناى ..وانا يا مناى
الطول حياتى .. بغنى ليك ..
*****************
أنا أكتب ليك .. وأنت أكتب لي
يا حبيب روحي .. يا نور عيني
يا وحيد عمري.. مادمت حي
أكتب لي .. عن كل شئ
أذكر ودادي .. وارحم فؤادي
ارع الوفاء .. ودع الجفا
واذكر صفاء .. أيامنا ليك

--------------------------------------------------------------------------------

..::انا يا طير::...

أنا يا طير ..أنا يا طير ..بشوفك
فرحااااااان ..فرحان وبتغني
حبيبك معاك ..وحبيبي غاب عني
أنا يا طير موله ..محزوناً لأني
وحيد حبيبي غايب
و آه يا طير ..وتاري علي مصايب
ومن أدهى الغرايب لي أقرب حبايب
صدو و بعدو مني
أنا يا طير حبيبي للآلام تركني
بتدلل علي وبالهجران هلكني
زعلاااااان..مني صدى..حبيب روحي
وبي رأيو استبدى
اتناسى المودة واعتاد التجني
يا ريت .. يا ريت
لو كنت زيك لو يجدي التمني
حبيبي يكون معايا
وفي الأشجار نقيل و بالأغصان نميل
وفي خفة جناحك وحرية صراحك
و في الأفنان نغني..
__________________

--------------------------------------------------------------------------------

الصديق ابراهيم دفع الله24-07-2008, 11:48 AM
فتنت بيه .. عشقته ليه
فتنت بيه .. حبيتو ليه
كان مالي انا مالي بيه
.......
فتنت بي حسنه البديع
عشقته لطبعه الوديع
حبيته لادبه الرفيع
صرعت بلحظو المريع
بلحظو ياما كم صريع
وحبيبنا تايه ما عليه
........
فتنت بيه .. عشقته ليه
فتنت بيه .. حبيتو ليه
كان مالي انا مالي بيه
........
في خدوده فتحت الزهور
في جبينه أشرقت البدور
بشوفته تنشرح الصدور
خلقوه زول وكسوه نور
من شدة الحيا والسرور
ذادوه ذوق وهدوه تيه
..........
فتنت بيه .. عشقته ليه
فتنت بيه .. حبيتو ليه
كان مالي انا مالي بيه
..........
فتنت بوجهه الصبيح
هويته بالمعنى الصريح
حبيته حب ابن الزريح
قول للعزول فيق واستريح
آويته في قلبي الجريح
ما دام بريده بخاف عليه
............
فتنت بيه .. عشقته ليه
فتنت بيه .. حبيتو ليه
كان مالي انا مالي بيه
__________________

--------------------------------------------------------------------------------

ما هو عارف ...

ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
نحن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام
__________________

--------------------------------------------------------------------------------

جانى طيفه طايف
جانى طيفه طايف لحاظه كالقذائف وانا
من عيونو خايف
خيالو جانى طايف فى ثوب من الطرايف
خدوده كالقطايف وليهو العنب شفايف
تلا فى هواى صحايف لقى حبى غير زائف
قال لى اراك خايف دون تشرح انا شايف
حبيبى دمعى زارف غرقنى سيله جارف
لماذا عنى صارف وهالكنى وانته عارف
ياملهب العواطف ومهدل المعاطف
متى ياجميل تلاطف وتكون علينا عاطف
انا ياحبيبى حالف لعواذلى فيك اخالف
وقلبى ليك محالف متى ياغزال توالف
__________________

--------------------------------------------------------------------------------

عيون الصيد
عيون الصيد ناعسات عيوني
عيون النيل حاكن عيوني
نسيت قلبي وروحي ونسوني
وفقدت الكانو يأنسوني
ليالي هناي جد عاكسوني
وأخاصم النوم كيف درسوني
مع الآلام هاجت شجوني
وأطبا الكون ما عالجوني
جفوا وبي نفورهم هيجوني
متين في الطيف يصبوا ويجوني
مقر أملي وفيهم ظنوني
يزيدوا دلال وتزيد جنوني
لذيذ تعذيبهم لو ضننوني
وصالهم آه.. راحتي ومنوني
__________________

--------------------------------------------------------------------------------

الصديق ابراهيم دفع الله24-07-2008, 12:23 PM
الشاغلين فؤادي .. وفايقين تائهين
يكفي البي زارف .. دمعا ما يقيف
تالي القبلي شايف .. لي برقاً لمع
والصيد في الخمايل .. ياناس إجتمع
قوموا ياأعزة .. نسترق السمع
ما بطيق القعدة .. والمها اجتمع
ديل احبابي ليّ .. يا مولاي قدروا
انسلبت لحومي .. وأعضاي خدروا
لاموني العوازل .. وبحالي اذدروا
هم سايقين دلالهن .. تايهين ما دروا
سامرت الكواكب .. لما الفجر لاح
منادي الفجر نادى .. وقال ياأهل الصلاح
صلوا الوقت حاضر .. قاموا أهل الصلاح
وأنا الليل قايمه .. لخيال ليّ لاح
البلابل ناحن .. في الليل الهجيع
سهرانات عيونن .. مابيات الضجيع
من الحالة ديكي .. أخير لي النجيع
واحسرة شبابي .. الما لقيت لي وجيع
__________________

--------------------------------------------------------------------------------

الصديق ابراهيم دفع الله24-07-2008, 12:25 PM
ليه بتسأل
ليه بتسأل عني تاني بعد ما شلت الاماني
روحت خليتني لزماني وانت عارف علي جاني

لو ببعدك الليالي تداوي غلبي ولاتاني ترجع الافراح في قلبي
كنت واهم يا حبيبي
دي الليالي امر ليا من دموعي الفي عنيا
كل لحظة تمر عليا تنقص الايام شوية
واطفي شمعاتي القليلة وافضل ابكي واقول حليلا
للدموع النازلا كل ليلة زايدة اشواقس وحناني

امنياتك من حياتك زاد حياتي كنت اجمل كنت اجمل امنياتي
انا عهدي راح ما اظنوا اتي وما فضل يا ناس غير اغنياتي
وفيها ضاءت ذكرياتي
مرة اضحك ومرة ابكي ومرة اتحمل اسيا
مرة اهرب منو واشكي واعتبر حبك حكاية
عشت فيها بكل روحي تشفي ليا زوهدي وجروحي
كنت داري كنت دوحي واختفيت يا نور زماني
__________________

--------------------------------------------------------------------------------

هواك وهواي

هواك وهواي بي جاروا سبن أفكاري نظراتك
أحب تعطف تزيل وجدي وأحب كل البحب ذاتك
احب لونك أحب لونك بحب يا حبي نغماتك
بخاف في خدك الزهرة وبخاف ترميني لمحاتك
بخاف بعدك بخاف قربك وأشوفك بين دوحاتك
أخاف صدك بخاف جورك وأحب تتهنى بحياتك
بحبك حبي للعافية وكمان يا سيدي وحياتك
بحب فيك الحيا الفطري ويذوب من حالي صيحاتك
إذا في حبكم ضعت وإذا أقبر في ساحاتك
أكون للحظ دوام شاكر وأقبل أنت راحاتك
أحب أنظر جمال محياك وأخاف تسحرني بسماتك
وأخاف لحظك يجرحني وأحب تسكرني بسماتك
وأحب طيفك يأنسني وأحب تسمعني نغماتك
وأخاف هجرك يطول بي وأخاف تحرمني كلماتك
منعم يا فريد عصرك سعيد وسعيدة ساعاتك
مكمل يا نزيه صافي وعفافك فطري ما فاتك
وديع وبديع مثال رقة حشيم والريم هوى صفاتك
أسرت فؤادي يا ضامر ودمعي خضاب في كفاتك
زيد يا دمعي في سيلك وزيد يا صدري زفراتك
حبيبك ودعك راحل زيد يا طرفي عبراتك
حمام الأيك حن مرة تعال أسمعني نبراتك
طريت أم در مقر أملي زمان كفاي عبراتك
__________________

--------------------------------------------------------------------------------

الصديق ابراهيم دفع الله24-07-2008, 12:27 PM
انت عارف
انت عارف انا بحبك وبحلف بك ولا ماك عارف ريدي مره

انت صارف عني مده وانا خايف تتحدى طمني تعال نبدأ
التعارف والتألوف والمود
يا حبيبي من فضلك طاوعني جاملني لا تخالف واحده مره

انا شايف المحاسن الطرايف في صمتك في كلامك
في عيونك في ابتسامتك في خديدك في قوامك
انت جالس وانت ماشي وانت واقف
انت نايم صغير غريبك طرفي حالف ما ك عارف
طرفي جفا المنام آلف الحب والهيام
مع الجمال لي العواطف في غرامك استمرا

متين اصادف رضاك علي علي توالف اراك مناي حياتي حبك والمحبه
بلاك اشوف النور ظلام واضوق طعم كل حاجه مر
لما رأيتك بالقرب مني هل تدري اني اسعد اظني
احس بي عظمه وشأن كبير افرح كتير فرح كبير واكاد اطير من الفرح
بالامل احيا واحابك المسره...
__________________

--------------------------------------------------------------------------------

((أعذريني))

********************

أعذريني الدمعة ديّه...حتبقى آخر دمعة ليّه....
تاني لو قربت منك.....يبقى ليك الحق عليّ....

أعذريني محال أعاود....تاني ريدتك وأمشي ليها..
ولا أرحل في عيونك....والطفولة الضاجّة فيها....
كيفك أريدك وانتي أصلك....ريدتي ما حسيتي بيها..
بالبعاد ما تعذبيني......أعذريني وأعذريني.....

ما قدرت مرة واحدة......بالغلط أغلط عليك.....
وانتي عمرك كلو ظالمة.....والدليل غفراني ليك...
عارفو قلبك ما معاي.....برضي شاغل قلبي بيك.....
بالحنان ما تعشميني......أعذريني وأعذريني.....

من زمان وأنا راجي منك....كلمة بيها تفرحيني.....
وانتي ما فرحت قلبي......كنت ديمة تجرحيني......
قسمة الزول ما بتفوتو....والبجيني معاك بجيني....
لو بكت منك عيوني......سامحيها وأعذريني.....
__________________

--------------------------------------------------------------------------------

الصديق ابراهيم دفع الله24-07-2008, 12:35 PM
مالك مجافي الناس عايش براك في غربه!؟
أنحنا ناس جيرانك قضينا عُشره وصحبه
من يوم سكنت قصادنا مالك بعيد ما بينا
لا بترعى حق الجار لا العيد بجيبك لينا
واصلنا وأدخل بيتنا عشان نجيك وتجينا
أصلو الصلات الطيبة واجب عليك وعلينا
من يوم سكنت الحي معانا ليك شهور
لا بتمرق لا بتجامل لابتقضي مره تشوف
وحتى الطيور بتوالي وتعيش وحيد مكسور
دايرين نوالفك نحنا وانت الولف مابيهو
الجار بخاوي الجار بإلفي ايدو والما في ايدو
الناس توالف الناس منو البعيش وحديهو
أنحنا ما قصرنا وانت العليك سويهو
__________________

--------------------------------------------------------------------------------

الصديق ابراهيم دفع الله24-07-2008, 12:36 PM
"":: أبعد عني خليني ::""

أبعد عني خليني ..ياخي أبعد عني خليني
سنين وأنا ماشي في دربك قول لي وين موديني
أبعد عني خليني
وشايف طالت الرحلة و أنا الهونت في ظنوني..انا الهونت في ظنوني
و أنا المتستني لي كلمة تبث نور الأمل فيني
وماشي معاك بدون أهداف و كل ما أثور تهديني
أبعد عني خليني
و بوصل حد من التفكير أصر ...أحلف...أصمم تاني ما تجيني
و تكسر حلفي في لحظات و تعرف كيف ترّضيني
أبعد عني خليني
و لاهي البيّ فات الحد وناس سموك مجنوني..ناس سموك مجنوني
وبفقد صوتك الرنان و كم بشتاق لي تلفوني
و يظهر اني أدمنتك و ناس سموك مجنوني
و كل الدنيا تعرف شايل الريدة في عيوني
أبعد عني خليني
__________________

--------------------------------------------------------------------------------


العاطفة النبيلة

بإسم الحب بقدم ليك حياتى ومعاها العاطفة النبيلة

عليك ياحب تحياتى
عليك اوقفته غاياتى
لحبى اضحى بحياتى

احب الحب وايامو
وذكرياتو واحلامو
ومايوحيه الهامو

حياة الحب اسميها السعادة بكل معانيها
اقيف ليلاى اغنيها روح ياليل تعال ياليل

احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية

اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل

عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى

احبك وانسى فيك زاتى
حبيبى غرامى تقديسك ويرتاح قلبى بى حديثك

حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل
__________________

--------------------------------------------------------------------------------

الصديق ابراهيم دفع الله24-07-2008, 12:43 PM
++ أنا بيك سعاتي مؤكدة ++
*******
أنا بيك سعاتي مؤكدة وبلاك حياتي منكدة
حرام عليك يا جميل ما صح عليك تعمل كدا
يامن محاسنك بي قلوب عاشقين مستفردة
خليتني أشكو من الغرام وأقول حقائق مفردة
وأقول حبيبي عمل عدوي خلاني لي الأذى و الردا
ما عندي مانع حتى لو ضيعني ساكن الموردة
أنا بي محاسنك بفتخر وانت المحاسن سيدا
يومي الأشوفك يبقى عيد والدنيا تبقى معيدة
البدر إن شافك يزوول من الأنوار الجيدة
أما الشمس لو شافتك ترجع أسيرة مقيدة
أنا طرفي شايفك يا جميل أخد اللجين العسجدة
مهما أعاين في الشباب وين ذي محاسنك أوجدا
قبال أراك أنا كنتا في أيام جميلة مبجدة
متى روحي من بعد العزاب تشفق عليها وتنجدا
بقا عقلي مشغول بي الوصال والكان ديما مهودة
خايفك تحرض يوم لقائي وأيام عزابي تزودا
بالنفرة والجفا والصدود مسلتا غزلان الودا
نفسك على جور والبعاد والعزلة والعوائدة
يامن على حرب العشوق لحظك جيوش مجندة
وقامتك تطيبك كأنها مخلوقة قطر الندى
والحكمة في كونك بخيل وهلك أرابيب الندى
أصلك بتدلل على ولا الحكاية معاندة .!
أصلك بتدلل على ولا الحكاية معاندة .!
__________________

--------------------------------------------------------------------------------

الصديق ابراهيم دفع الله24-07-2008, 12:44 PM
قطــــار الشوق متين ترحل تودينا نشوف بلدا حنان اهلها ترسى هنــــاك ترسينا

قطار الشوق ده ليل الغربه فيك ودار متين تسرع متين نكمل المشوار

عشان ما نلقى سيد الناس و نطفي البينا من النار و نشوف عينيه نعسانه و لونو الزاهي كل نضار

نسايم عطبره الحلوه تهدينا و ترسينا نقابل فيها ناس طيبين فراقم كان ببكينا

يا قطار الشوق متين نوصل حبيبنا هناك تلاقينا متين نحضن عويناتو متين يرجع يحيينا

يا قطار الشوق لو تعرف غلاوة الريد كان بدرت في الميعاد وكان جرت عجلاتك و كان قللت ساعاتك و كان حنيت علي مره
يا قطار الشوق ده حبيبنا هناك بنحسب في مسافاتك
__________________

--------------------------------------------------------------------------------

الصديق ابراهيم دفع الله24-07-2008, 01:02 PM
ولقينا في دنيا العيييييييون يا اغلى من النور غنا
سافرنا في دنيا العييييييون يا اصبا من النور غنا

فوق من رشاقة وامسيات باقات انيقة ملونة
الحان طروبة وشوشات أحرف موسيقى ودندنة
مالت قلوبنا عليك حنااااان تسلم عيونك ذوبتنا


انساك انت انت بتتنسي
ما انت روحنا وحبنااااا
سافرنا في عينيك ولسة.. قلوبنا بيك متجننة

طار المسا والكون صبح
عشاق جمال اتاملوا
كل الحروف الفي الخيال بي لهفة جات وما غلوا
حتى القمر حلولو النجوم... اتلفو فيك اتغزلوا

قالوا الجمال يا غالي بيك كانت نهايتو و أولو
نحنا في هواك يا غاااااالي لا.. لا بنطيق بعاد لا بنحملوا
اصلو المحبين الحناااان.. لا بنسوا لا بتحولوا

انسااااااااك.. انت انت بتتنسي
انساااااااااك.. يا غالي انتا بتتنسي
ما انت روحنا وحبنا.. سافرنا في عينيك ولسة.. قلوبنا بيك متجننة
__________________

--------------------------------------------------------------------------------

الصديق ابراهيم دفع الله24-07-2008, 01:03 PM
آلمني حنان


ألمني حنان ألمني حنان

يوم قسموك يا هم كتبو عليك اسمي

لو كان روك بالدم يا هم رواك دمي

أنا لو رضيت بالهم ما برضى بي همي

أنا أنا ووب أنا

حفان يا يا أهلي يامن تعزوني

في الدنيا خاب أملي وفي حظي عزوني

أنا لو يحن أجلي أنا لو يتم أجلي وماتبكو هنوني

أنا أنا ووب أنا

يوم السعادة تكون يا ناس تخليني

بين الحياة والموت يا سعادة زوريني

أمروها بي جبروت السعادة ما بتجيني

ألمني حنان ألمني حنان
__________________

--------------------------------------------------------------------------------

الصديق ابراهيم دفع الله24-07-2008, 01:03 PM
باسم الحب


بإسم الحب بقدم ليك حياتى ومعاها العاطفة النبيلة

عليك ياحب تحياتى
عليك اوقفته غاياتى
لحبى اضحى بحياتى

احب الحب وايامو
وذكرياتو واحلامو
ومايوحيه الهامو

حياة الحب اسميها السعادة بكل معانيها
اقيف ليلاى اغنيها روح ياليل تعال ياليل

احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية

اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل

عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى

احبك وانسى فيك زاتى
حبيبى غرامى تقديسك ويرتاح قلبى بى حديثك

حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل
__________________

--------------------------------------------------------------------------------

الصديق ابراهيم دفع الله24-07-2008, 01:11 PM
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
هواك لازال بواليني ...
خيالك جوه في عيوني..
لكن انت ناسيني ....
وانا الاشواقي ليك زايدين..
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
وليه يا روحي متخاصمين....
بعد ما كنا متحابين...
ياروحي الفراق لمتين...
فراق يومين عليّ سنتين....
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
ياغايب عن عيني....
حصل ايه بينك وبيني....
تجافيني وتعاديني....
وتترك قلبي بين نارين..!!
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
__________________

--------------------------------------------------------------------------------

الصديق ابراهيم دفع الله24-07-2008, 01:12 PM
متين يهل هلالي وأسمع المنادي
ينادي عن حبيبي وأقول ترك عنادي
*********
لي زمن بنادي للخديدو نادي
ياناس محبوبي ساكن قصد عنادي
*********
اسامحو لو ازاني لو خلف ميعادي
حبيبي لو هجرني بحبو ما بعادي
*********
احب تملي قربو يحب دوام بعادي
خلاني عن وصالو وشمت الاعادي
*********
جميل وصف جمالك يحير الشوادي
مادام نفرت مني حملت قلبي مالي
*********
تجدني لو اشاهد خدودك النوادي
اذوب من اللطافه يذوب معاي فؤادي
*********
اراك اثرت قلبي ملكتو في الايادي
اراك نفور وجافي بعيد عن اصطيادي
يزيد مع جمالك من الهوى ازديادي
جمال خلاف جمالك يعيش اعتيادي
*********
قولي كيف ينجح مع الخدود جهادي
مادام سحر عيونك مضيع اجتهادي
**********
من الحميم شرابي من الجحيم مهادي
سهرت والكواكب تعلمت سؤالي
**********
لي زمن بنادي للخديدو نادي
ياناس محبوبي ساكن قصد عنادي
************
__________________

--------------------------------------------------------------------------------

الصديق ابراهيم دفع الله24-07-2008, 01:14 PM
نسانا حبيبنا مامنظور ينسانا
ده حبيبنا ما منظور ينسانا
حبيبنا سفر ودع ما غشانا
حليلا الاخوه ماقدّر عشانا
**************
نسانا حبيبنا وعارف ريدنا ليهو
عشانو بتبكي قلوبنا ورا رحيلو
سافر بينا لدارو ومقيلو
سافر بينا بدارو ومقيلو
نقول ده سافر ودع ياحليلو
**************
نساهر ونشقى لو ينفع شقانا
تسيل دمعاتنا بشوقها وحنانا
عشان مايطرأ ريدتنا ومنانا
يذكر قلبو أيامنا المعانا
*************
وحات الريده ما بنسالو عشره
ااااه يادنيا نبكي وقالو مره
اتذكرنا عودة طيفنا مره
إذا كان يحليلو عرف الفرقه مره
*************
كيفن يقدر يستحمل قليبو
كيفن يرضى ويستحمل قليبو
الزمن قساه نسى إخلاص حبيبو
يا معذبنا وما قادرين نسيبو
يا مجننا وما قادرين نسيبو
نقول لا بد بكره الشوق يجيبو
************
نقول يا ليـــل ياليــل
نقول ياليل لي همي وأسايا
واشهد قلبي ونوح سهري وبلايا
خلاص بريدو ضاع أملي ومنايا
أأأأأه بحبو ضاع أملي ومنايا
ياناس بريدو ضاع أملي ورجايا
بقيت وحيد نجوم الليل عزايا
*************
نسانا حبيبنا مامنظور ينسانا
ده حبيبنا ما منظور ينسانا
حبيبنا سفر ودع ما غشانا
حليلا الاخوه ماقدّر عشانا
__________________

--------------------------------------------------------------------------------

الصديق ابراهيم دفع الله24-07-2008, 01:15 PM
الريده خوه



جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مُرُوَه

خوه ايه بتبكي سيدا و خوه بتسهر ليالي الاّ دي الخوه الجديده

و الكلام القلنا سوا بي دموع الشوق كتبتوا

و الزمن شن فينا سوا ؟؟

انت ما زولي العرفتو و الوداد

ما بدورلو قوه

و البفوز بي هواك بختو

جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مره
__________________

--------------------------------------------------------------------------------

الصديق ابراهيم دفع الله24-07-2008, 01:16 PM
وداعا


وداعا روضتي الغناء وداعا معبدي القدسي

طويت الماضي في قلبي وعشتو على صدى الذكرى

وهازا الدمع قد ينبأ بظلم المهجت الحيرة

لماذا الهجر يا حبي

لماذا دهرنا ظنا وشبع روحي باليأس

وداعا

نسيت الماضي يا ليلة ماضي الحب والطغري

ليالي مطري الليلة بحلو النجوة والشعر

ليالي حبنا الأولا ليالي حبنا الأول

نسيتي ليلة إذ كنا نفدي النفس بي النفس

وداعا

حظل أردد الشكوى لما لقيت من وجدي

حبيب الروح لا لا أقوى على حمل الهوى وحدي

ولما لم أجد سلوى ولما لم أجد سلوى

كسرت إبريقي وأتدنا سكبت على السرى كأسي

وداعا روضتي الغناء وداعا معبدي القدسي
__________________

--------------------------------------------------------------------------------

الصديق ابراهيم دفع الله24-07-2008, 01:17 PM
بساط الريح


بساط الريح بجيني متين
أغمض عين وافتح عين
أكون جالس مع الطيبين
هناك في مقرن النيلين


رجيتو يجيني ما جاني
تكون غلطت زمن جاني
حرمني أعود لأوطاني
ولا ظروف معاكساني
ولا يكون بساط الريح
فقد في الجية عنواني
وبقيت محسوب من الضايعين


بساط الريح متين تظهر
يشيلني جناحك الاخضر
وأشوف النيل بيتمخطر
وألاقي عيون من الكوثر
أعود من تاني لي أهلي
وظروف الجية تتيسر
تقيف وتجف دموع العين


مشيت أسأل بساط الريح
شنو الأخر معادو صحيح
اترجيتو يبقى صريح
يوري حكايتو دون تلميح
الخلاهو يتأخر
حلف انو المطر والريح
وجارو عليهو مجتمعين
__________________

--------------------------------------------------------------------------------

الصديق ابراهيم دفع الله24-07-2008, 01:18 PM
الروح تروح ما مشكلة ..

تزيد جروحى علي جروح ما مشكلة ..

ينسى الفراش عطر الربيع ما مشكلة ..

ينسى الوديع صوت الوديع ما مشكلة ..

الشاري لو فكر يبيع لو ضاعت الاعمار تضيع ما مشكلة ..

لاتبين شمس لايهل قمر ما مشكلة ..

يبقى السحاب من غير مطر ما مشكلة ..

يرموني في نص البحر تجيبو لي الناس خبر ما مشكلة ..

لو هز صمت الليل برق ما مشكلة ..

والقاش رحل خلا الشرق ما مشكلة ..

لو عمري بالشوق يحترق لو رحت ما جبت الفرق ما مشكلة ..

الدنيا تبقى بدون جليس ما مشكلة ..

تبقى الليالي بدون ونيس ما مشكلة ..

وتنسى ليلى حبيبا قيس ما مشكلة ..

وتنسى العروس اسم العريس ما مشكلة ..

المشكلة

ريدتك بقت هى المشكلة



ادينى حل للمشكلة ..!
__________________

--------------------------------------------------------------------------------

الصديق ابراهيم دفع الله24-07-2008, 01:20 PM
إفـــــتــــــتــــــــان
لي حق إذا هممت ......فؤادي عندك إنت

حبيب الروح سَلِمتَ......أنا بي لو عَِلمتَ

أنا الأمين ووافي .........وليك ودادي صافي

يا ملهمي القوافي ........ولكل معنى واافي

زي بسمت الأزاهر..... في نظري إبتسمت

زي نقشت الخواتم......في قلبي اترسمت

أقول لـيـــــــــــــــك ....أقول ليك إذا سَم*َحتَ

أنا شايـــــــفك .........حبيبي شايفك

أنا شايفك تبهرج........ كل ماليك لَمَحتَ

وضوء الفجر بِنتَ......زهر الروض فُوحتَ

ياحلو المناظر .......يا ساحر النواظر

يالنظروك فَرَحتَ....... وبالنظرات جَرَحتَ

يــــــــا حــبــيــــــبــــــي أنا بيك افـــتـتــنــــــــت

وبدر الحسن انت .......وبين الناس عُرِفتَ

إن وصفو المحاسن بس ماهن وُصِفتَ

أنا أنا أنا نـــــــاري أنا نـــــــــاري يا تومي

أنا بي عيوني شفت..........وصادق إن حلفت

من تأثير عيونك ......صديتني ورجفت

ومن تأثير عيوني ......على خديك خفت

أنا أنا أنا نـــــــاري أنا نـــــــــاري يا تومي
__________________

--------------------------------------------------------------------------------

الصديق ابراهيم دفع الله24-07-2008, 01:20 PM
الحـــرمــــان

حرموني منك
أنا يا حبيب قلبي سائل دوام عنك
يا الحرموني شوفتك ... أنا في قلبي صورتك
كل ما ذكرو سيرتك
ازداد بي شجوني .. يجفو النوم عيوني
ويرحم قلبي حبك
يا المنعوك زيارتي .. هم شاعرين بحالتي ... وجاهلين مكانتي
لكين التقاليد حجبت عني شخصك
منعونا التلاقي
لكين رغم ذلك ... ظل هوانا باقي
أسأل طيف خيالك ... عن فرض اشتياقي
وأسأل نور جمالك ... عن نار احتراقي
طبعا يا ملاكي ... لو يرضيك هلاكي
أنا لا أعصى أمرك
حجبوك حيروني ... أبو ليك يذكروني
ليه يا حبيب أراهم ... زايدين في جفاهم
من شدة قساهم ... مانعين التفاهم
برضي أقول ... برضي أقول
برضي أقول عساهم يسمحوا لي بوصلك
__________________

--------------------------------------------------------------------------------


معدلــــــــــــــــــــــــالناس العيون يا حلاتن هن أساس الريد والجنون
جننني ياخي العيون يا حلاتن هم أساس الريد والجنون

آآآآآآآآآآآآآآآآآآآآآآآآآآآآآآآآآآآآآآه
العيون الفيهن نعاس هن أساساً معنى الجناس هن يثيرن في الناس حماس هن يسوقو الزول لي الجنون يا حلاتن هن أساس الريد والجنون

البتوحي الناس العيون يا حلاتن هن أساس الريد والجنون

آآآآآآآآآآآآآآآآآآآآآآآآآآآآآآآآآآآآآآه
العيون البيض لوصفن يجرحنك و يتلاصفن مرة نظرن لي أو قفن شالو نومي ما أنصفن يا حلاتن همن حيات الريد والجنون

البتوحي الناس العيون يا حلاتن هن أساس الريد والجنون

آآآآآآآآآآآآآآآآآآآآآآآآآآآآآآآآآآآآه
العيون السود كاحلات في دلالن متسابيتات يجرحنك ما سائلات يتركنك متهاملات يا حلاتن هن أساس الريد والجنون

البتوحي الناس العيون يا حلاتن هن أساس الريد والجنون

جننني ياخي العيون يا حلاتن هن أساس الريد والجنون
جننني
جننني
__________________

--------------------------------------------------------------------------------


أنت حكمة

أنت حكمة أنت آية ولا إنسان
أنت صاحي ولا نايم
ولا طرفك من طبعو نعسان
أنت راحي أنت روحي أنت انسان
عيني يا صاحي وأنت أحسان
انت نادى انت هادى وأنت ميسان
انت ظافر انت ضافر أسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابة ومر عذابها وقلبى اقران
وانت ساهى انت لاهى انت بطران
يا صفائى يا وفائى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبى خافق هل توافق قدرى ينهان
يا حبيبى كن طبيبى أمرى حيران
طول نهارى ثم ليلى ساهى سهران
طال عذابى وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بى غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان
__________________

--------------------------------------------------------------------------------

خســـــــــاره
خسارة يا قلبي الحزين هجروك احباب السنين
من غير سبب ظلموا الغرام الكان حلو و الكان أمين
يقولوا عننا ظالمين يا حليلنا حليلنا إحنا المخلصين
خســـــارة يا لحني الفريد جرحي المنور كل ليــل
وااحــــاري من هجر البريدو ولهفت الزول البــــريـد
أبكيــــك و وين القى الدموع يـا ريتا من بعدك تطــيب
يـــا قلبي إنت الفي هــواك دايما وفي و دايـما أميـن
أشقــــاك احب الناس اليك رغم الحنين الطال سنين
يا قلبي ســـامح في المحبه في الدنيا ما في محبتين
و القالوا ليك عن الفراق إنشااللـــه يوم ما تشوفوا عينك
__________________

--------------------------------------------------------------------------------

الصديق ابراهيم دفع الله24-07-2008, 02:13 PM
ماتبكي ايامك ندم او يوم تشيل للدنيا هم
ايه فايده الأسى والدموع هو الزول بعيش في الدنيا كم
ماتبكي لوفاتك قريب او يوم غدر بالريد حبيب
الدنيا لسه ملانه طيب والبسمه للمجروح طبيب
انا شلت جرحك بالسنين مستني منك يوم اطيب
القى الفرح بعد الألم ماتبكي ايامك ندم
ماتبكي من ظلم القدر اصلو الظلم طبع البشر
يلاك نطوف وسط الزهر لادمعه لاهم لا كدر
عيش السنين الباقيه ليك قبل السنين ماتروح هدر
يازاهي يا اجمل نغم اوعك تشيل للدنيا هم
اوعك تقول زمنك مضى والدار من الخلان فضى
ماتخاف من الزمن الاليم بكره السنين بتعوضا
ولو رحت تابعت الدموع يبقى الفرح عمرو انقضى
ويبقى الجمال في الناس عدم وماتبكي ايامك ندم
__________________

--------------------------------------------------------------------------------

الصديق ابراهيم دفع الله24-07-2008, 02:15 PM
نجوم الليل
نجوم الليل أشهدي على لوعتي و تسهدي على بكاي و تنهدي
من ليه حسن الكون هدي النافر الجافي الصديق
يا عيني يوم تشاهدي أغري السلام و استشهدي
يا عيني دمعك بـــندي و قــــول العوازل بنــدي
أنا لي غـــــرام يا معاندي في زهره الخد النـــدي
يا عيني ابقي ترصدي عسى توجدي ما تقصدي
مهما جرح قلبي الصديق هو برضو غاية مقصدي
قمر الحمـــاني تهجــــدي تركني فـــاقد مهجــتي
آه من صفارو العسجدي عيني المتل عين الجدي
يا من خــرقت عوائدي
و نظمت فيــك قصائدي
لو عمري شيء في يدي
لوهبت ليك يا ســـــيدي
__________________

--------------------------------------------------------------------------------

الصديق ابراهيم دفع الله24-07-2008, 02:18 PM
أنا ما بقطف زهورك
أنا ما بقطف زهورك بعاين بعاين بي عيوني
يا الغصن الفي تهورك بعاين
يا البدر الفي خدودك بعاين
مترقب ظهورك بعاين
اتأمل بي محاسنك و اتمتع بي مناظرك و اتوسع بي ...
لعبت بي دورك بعاين
و أصبحت مسحورك بعاين
سبحت في بحورك بعاين
عرفت أوزانك و عزفت ألحانك آهات و أنين
لا زلت مأسورك بعاين
ما قادر ازورك بعاين
ملأ العيون نورك بعاين
كشف الظلام بسمك و تجلا لي رسمك شخصك ملأ عيوني
اضناني تأثيرك بعاين
و ما بشكي لي غيرك بعاين
اعياني نفسيرك بعاين
يا الرمز الحيرني و هواك سيرني أتحدى الخزلوني
يا العالي موهوبك بعاين
يا الراقي اسلوبك بعاين
الناس يأنسوبك بعاين
يا العالي تعليمك انا من مظاليمك إيـــه زمبي وريني
إيـه زمبي يا حبيبي .. إيــه زمب يا حبيبي
إيه زمبي يا حبيبي
انا ما بقطف زهــــورك بعاين بعاين بي عيوني
__________________

--------------------------------------------------------------------------------

الصديق ابراهيم دفع الله24-07-2008, 02:21 PM
سيبي دربي
سبي دربي خلاص كفايه اضيع معاك وتضيع خطايا
شلتا اسمك من ضميري الى حبك كان حكايه
انا كنت ما عارف الحقيقه ضايعه كانت في البدايه
الى في الاخر عرفت ان قلبي ما معايا
و الكلام القلت لي كان خداع و قصص روايه
ما براي انا في طريقك راحوا قبلي كتار ضحايا
امشي في دربك وحيده و انسي اشراقات هوايا
امحي من قلبك حناني و اهدي ريدك لي سوايا
كنت لي دنياي زهره كنت احلى من غنايا
الليله راح البينا كلو و بقينا في اخر النهايه
انا بكره ياما اشوف حبايب و انسى بي الافراح شقايا
القى ناس طبيين معاهم ابني عريشه هوايا
قلبي بي الامال ينور و القى بعد الهم رضايا
و اللي راح في الدنيا راح الله يغفر ليك ازايا
و اللي راح في الدنيا راح بكره في الجيات عذاب
و اللي راح انا راضي راح الله يغفر ليك ازايا
__________________

--------------------------------------------------------------------------------

الصديق ابراهيم دفع الله24-07-2008, 02:22 PM
الامان الامان
ويشغل قلبي حبك علي مر الزمان
وسلطانه استمره
في جوره استمره
كيف القى الضمان
يا ما انت ظالم
وانا طائع اوامرك
ولي شخصك مسالم
الامان الامان
الامان الامان
ياحبيبي الامان
واسمح لي كمان
اقبل يديك
من نور وجنتيك
الامان الامان
من فتكات عيونك
ارحم مهجتي
الامان الامان
فيك صور المحاسن
ظهرت لي عيان
موسيقى حزينة
مع سحر البيان
واذا مال قوامك
يازين الحسان
روحي تسيل عواطف
وقلبي يذوب حنان
وانا كيف
من ما طرفي شافك
وما حبيت خلافك
حبك منيتي
وفرضي وسنتي
وناري وجنتي
الامان الامان
__________________

--------------------------------------------------------------------------------

الصديق ابراهيم دفع الله24-07-2008, 02:23 PM
دنيا الريد غريبة سر ما بنفهموا
ناس أفراحا زايدة وناس إتألموا
كنا بشكي ليك وكان قلبك حنين
وإنت ظلمتا ريدنا عاد نشكيك لمين
دنيا الريد سعادة دنيا الريد عذاب
ناس تجني المحنة ناس تجني السراب
ناس من كلمة عابرة كل الريد يهون
ناس في الريد تضحي بالروح والعيون
دنيا الريد غريبة سر ما بنفهموا
ناس أفراحا زايدة وناس إتألموا
__________________

--------------------------------------------------------------------------------

الصديق ابراهيم دفع الله24-07-2008, 02:24 PM
كلام الريد دِسو عليّ .....مااااااااا تدو السهر عينيّ
خلي قليبي في حالو.....مالي الريد أنا ومالو
وما تجيب ليّا موّالو .......وما ترميني في حبالو
كلام الريد
كلام الريد صعب قالو .......كم عاشق شغل بالو
آتوه في دروبو وأهوالو........زمان العشقو ايه نالو!
كلام الريد وأسرارو .........كُتار الدخلو في نارو
آتوه في دروبو واهوالو....زمان العشقو ايه نالو
كلام الريد دِسو عليّ .....ماااااااااااا تدو السهر عينيّ
__________________

--------------------------------------------------------------------------------

الصديق ابراهيم دفع الله24-07-2008, 02:25 PM
غاب القمر
غاب القمر .. الغالي سافر مننا
متى يا بعيد ترجع تعيد .. أيام هنانا وحبنا
الفرقة طالت والضنا .. لحظات رتيبة ومحزنة
في بعدُو وين نلقى الهنا .. ونور محيو غايب عننا
لو كان بفيد ننسى الوحيد ..الحبو جاري في دمنا
وينو الأمير سيد الحسان .. القلبو كان ملين حنان
وين الفرح وين الأمان .. وين العيون سحر الزمان
وينو الفريد الكان بجيد .. الهام حروفنا و فننا
لِمتين تعود يحلو المزار ..البعد طال والصبر حال
عايشين وراك ألم الوَدار .. نسقي الأمل شوق وانتظار
نرجاك تعود شايل الورود .. تمسح دموعنا وهمنا
__________________

--------------------------------------------------------------------------------

الصديق ابراهيم دفع الله24-07-2008, 02:26 PM
ماتبكي ايامك ندم او يوم تشيل للدنيا هم
ايه فايده الأسى والدموع هو الزول بعيش في الدنيا كم
ماتبكي لوفاتك قريب او يوم غدر بالريد حبيب
الدنيا لسه ملانه طيب والبسمه للمجروح طبيب
انا شلت جرحك بالسنين مستني منك يوم اطيب
القى الفرح بعد الألم ماتبكي ايامك ندم
ماتبكي من ظلم القدر اصلو الظلم طبع البشر
يلاك نطوف وسط الزهر لادمعه لاهم لا كدر
عيش السنين الباقيه ليك قبل السنين ماتروح هدر
يازاهي يا اجمل نغم اوعك تشيل للدنيا هم
اوعك تقول زمنك مضى والدار من الخلان فضى
ماتخاف من الزمن الاليم بكره السنين بتعوضا
ولو رحت تابعت الدموع يبقى الفرح عمرو انقضى
ويبقى الجمال في الناس عدم وماتبكي ايامك ندم
__________________

--------------------------------------------------------------------------------

الصديق ابراهيم دفع الله24-07-2008, 02:28 PM
محبوبي لاقاني وبي بسمه حياني

جذب الفكر حسنه جهر العيون نوره
وبعد اشتياقي طال فاجئني بي ظهوره
شخصت في حسنه واصبحت مسحوره
سبحت كبرت هللت بي حياتو
بي كل احساسي رديت تحياتو
شكيتلو آلامي آلامي و احزاني
زي الصباح مشرق زي الزهور باسم
زي اللهيب محرق وبي عواطفي بادرتو
بي دموعي جاوبتو شكيتلو من هجري
ظلم الهوى وجورو
بادلتو بي شعوري ملء الحياة شعورو
شفت السحر كامن بين وجنتيه ونورو
من العيون خوفي وآمالي في ظهورو
يا زوول انا قلبي حباك اموت انا مالي بنساك
اشعلت لي ناري جددتو تذكاري
انا ليك دوام صاين ساكن قريب جاري
ياساحر النظرات يا مدهش اللفتات
بالله وين ايامك الخالدات
ست الدهر يحلو السمر
بالحب امر دمعي انهمر
ليك يا قمر
__________________

--------------------------------------------------------------------------------

الصديق ابراهيم دفع الله24-07-2008, 02:29 PM
أنا شفته الملاك بإيدي سالمتو بهرني بنورو..

خلاني مأسورو.. ان ضعته في بحورو.. انا عقلي فارقتو انا شفته الملاك...

لو طلاك صباحو.. أو ضماك جناحو.. اكيد القلب بيشفى وتاني تطيب جراحو .. كمان لو شفته

لونو.. سحرو الفي عيونو تدور ترحل في كونو من حسنو ولطافتو انا شفته الملاك...

الراقي في وسامتو.. مرسومه ابتسامتو.. تفوق البدر صورتو وآيه الحسن هامتو..

دلال من غير تعالي.. رقه وذوق مثالي زي الدر بيلالي في اصلو وداعتو انا شفته الملاك....

من يوم ما لقيتو.. كل الفات نسيتو .. وفي قلبي اصطفيتو.. ودون الناس هويتو..

وصار لحياتي معني وفي احلامي جنه بس الحظ تجنى وشال قلبي وسعادتو انا شفته الملاك...
__________________

--------------------------------------------------------------------------------

الصديق ابراهيم دفع الله24-07-2008, 02:30 PM
الشذى الفواح،،النسيم الرايق،،للعطور إنداح،،خلى ليلنا صباح..

شوقي ليك بيزيد ياصباح العيد وإنت عني بعيد أصلي ما برتاح...

الشذى الفواح،،

ياجميل محياك نورو عمّا سماك،،أنا وين ألقاك وألقى عقلي الراح...

الشذى الفواح،،

ياجمال الكون ياسحر مفتون،،فيك أحلى عيون زي فجر وضاح...

لو تحن وتكون تاني ليّا حنون،،العليّا بهون تشفي فيني جراح...

الشذى الفواح.....

أنا مابنساك مهما أشقى معاك،،أوأعيش بي وراك في أنين ونواح...

ولما تاني تزيد تلقى قلبي حنين،،في هواك متين مابتهزو رياح..

الشذى الفواح،،النسيم الرايق،،للعطور إنداح،،خلى ليلنا صباح..
__________________

--------------------------------------------------------------------------------

الصديق ابراهيم دفع الله24-07-2008, 02:31 PM
قالو لي أسلا ..قلت يهم لأ لألأ أنا مابقدر الحبيب أسلاه..
الحبيب أيه صوره وحكايه بسمه في رؤيه للنفوس غايه..
انت ياأسمر جمالك الأنضرلأنو من سكر أو يفوقو حلا....أنا كيف أسلاه..
الحنان عندي العناد عندو أدي من ودي يزيدني من صدو ...
للقلوب كسر للعقول ودّر عُمرُو ما قدّر كيف حياتي بلا...وانا كيف أسلاه!
مره تلقاه الحنان سيدو لما تهواها وتشقى في ريدو
إلاّ بس قلبو قاسي في حربو تمشي في دربو..... حبو ما تلقى...وأنا كيف أنساه...
قالو لي أسلا ..قلت يهم لأ لألأ أنا مابقدر الحبيب أسلاه..

--------------------------------------------------------------------------------

الصديق ابراهيم دفع الله24-07-2008, 02:32 PM
يــــــــا مسافر

يا مسافر وناسي هواك
ارواحنا وقلوبنا معاك
اضناني البعاد والبين
يا روحي الفراق لي متين
قضيت عمري كلو حزين
عايش على زكراك
عديت انا نجوم الليل
في خدودي الدموع بتسيل
ويالفارقت ارض النيل
يرعاك الله يا ملاك
في عيونك سلاح مشهور
لمعان الخدود بالنور
ننساك اصلو ما معقول
نسلاك اصلو ما معقول
لو ضاعت حياتي فداك
طارين للهوى وعهدو
حافظين بالشهود وعدو
العاشق يدوم سعدو
لو دام يا حبيبي هواك
__________________

--------------------------------------------------------------------------------

الصديق ابراهيم دفع الله24-07-2008, 02:34 PM
أنا ما معيون
أزاى وداوى خدود وعيون
يا ناس .. أنا ما معيون
***
حليف آلأم وعيونى عيون
دائى عظيم ودواى مصيون
سامى بعيد عن العيون
وانا عقلى بقاله رقيب وعيون
أغنى عليها وأبدى فنون
أفوق الساجعة حنان وجنون
أأمل ليمها الما مظنون
وسيف هجرانها على مسنون
تجدنى مغيب وحولى شجون
كانى اسير فى حب مسجون
أملى بكل قماح معجون
موتى دنى وسببى العرجون
زينة زكية حراك وسكون
تامى جمالها الما ملكون
لو عبرنا صفاتها تكون
هى أول غانية تضوى الكون
عفاف وترف فوق القانون
دلال وسبات وهياب وحنون
فى فاهاه الدر منظوم مكنون
ومدام ومسك وعسل مشنون
ناعمة جسيمها حرير ووهون
طبيعة بطيب الند مدهون
عزيز أرواحنا لذاك يهون
ملى اذا أًبح مهيون
لمكلة جنوده خدود وعيون
لحاظة تخيف قايد المليون
وترهب عنتر ونابليون
ليها سلامى بعد ما يصون
عاشق حب قمر محصون
وبعد ما غنى الطير فى غصون
يبقالها سمير وسرير وحصون

--------------------------------------------------------------------------------

الصديق ابراهيم دفع الله24-07-2008, 02:36 PM
ياريتني أسلم وأطيب.......... الفرقه قسمه ونصيب
يا سنين الضياع.... يا ليالي الوداع....البريدو في قلبي بقى ريدو لي خداع..
يا دموع الندم... كل البينا انهدم....والصلات البينا راحت لا أمل ولا عشم..
.يا ليالي الشباب يا سنين العذاب.. البريدو من قلبي بقى ريدو لي سراب..
مهما جارت السنين... مهما طال بي الأنين...
بكره تبرى يا قلبي... وتاني ما تعيش حزين.....
كل البينا ولى راح... وحدي حاضن الجراح....
لو غلطوا في حقي.... برضو طالب السماح....
يا دموع الندم.... كل البينا انهدم....
الصلات البينا راحت لا أمل و لا عشم......
ياريتني أسلم وأطيب.......... الفرقه قسمه ونصيب

--------------------------------------------------------------------------------

الصديق ابراهيم دفع الله24-07-2008, 02:37 PM
ما هماك عذابنا
لا دموعنا وشقانا
نهديك المشاعر وتخون الأمانة
عارف ريدنا ليهو كم قاسينا فيهو
لو غاب من عيونا دقيقة دقيقة نخاف عليهو
أصبح لينا مرسى نرتاح في عينيهو
تمشي تخونا إنت تقول تتهنى بيهو
في ساعة غيابك نسأل وين تكون
وسدناك رموشنا وشلناك في العيون
كيف يرضيك ضميرك تتنكر تخون
العشرة الكانت ببتحدى الظنون
سبتا مصيرنا ضايع مرساه العدم
في بحور السراب بالدمعات وهم
عشان آمالنا فيك قلبنا ما ظلم
خلاص عرف الحقيقة
وما بفيد الندم
لا هماك عذابنا
لا دموعنا وشقانا
نهديك المشاعر وتخون الأمانة

--------------------------------------------------------------------------------

الصديق ابراهيم دفع الله24-07-2008, 02:42 PM
عصفورتى الجميله...........رفقا ً شوفي حالي
يالحنيتك أكبر من كل كل أحتمالي
رقيقه جناحك ابيض.........حلّق بيا عالي
يابلبل مغرد............... واصل شدو واصل
أيامي وسنيني ..............حتلقي مدي وسواحل
صحابك في إنتظارك .........معاك الصبر ماهل
نمشي طريقنا باكر .............كل الباقي ساهل
علي مهلك شويه ...........حوريه المطر
لو فكرت تمشي ...............في طيات السفر
حأقضي العمر أفتش.............عنك في البحر
لابخشي العواصف...........لاموج لامطر
عصفورتي الجميلة مهلا ً بالغيوب
كفايه علي شدوك............في الاعماق يذوب
يخلي حياتنا تعمر .........يلقي الشوق دروب
تشرق شمس باكر............زاهية بلاغروب
تشرق شمس باكر............زاهية بلاغروب

--------------------------------------------------------------------------------

الصديق ابراهيم دفع الله24-07-2008, 02:43 PM
الكروان

غني لي يا كروان واصدح في لحني
يا الملهم الفنان الهمت فني
غني الجمال يا صاح لحن الاماني
واسبح مع الارواح في ما تعاني
من لحنك الصداح هات الاغاني
اعجابي بيك شديد يا آايه التجديد
بي صوتك الغريد غني لي غني لي
ما افرع الكروان بين القياسم
في جلسه الفنان الفنو قادر
يشجيك بي الالحن بين المناظر
وسط القمر والنور
والجو لطيف مقبول
بين الحسان والحور يحلو التغني
ذكرتني حبي معنى التناسي
واثرتا في قلبي دنيا المآسي
والصبر لي صبري نعم المواسي
فأسمعني من دري تلحينك المغري
غني الهوى العذري يا صاحي غني لي

--------------------------------------------------------------------------------

الصديق ابراهيم دفع الله24-07-2008, 02:43 PM
من أول نظره رشقتني عيونو جذبتني فنونو و بقيت مجنونو
من أول نظره لم أخد حزرا غير اني هويتو في قلبي اويتو
قدرت جمالو و اغراني دلالو اجيد أشعارو حبيبي شعارو جمال يسحرني بي لونوو نورو
الحيا و النظره و الدين و الجبره هم مصدر شوقي و مصيبتي الكبرى
بي الحب ابلاني و كمان خلاني و فكاهت الامره عاجباني رشاقه
برسيمه و ضمره في لونا سمره و في عيونا حمرا
الليل و القمرا ضدين و اجتمعوا بي سمراك ينعوا في اقامه رنعوا
حواري زمانا و حسان الجنه ديــــل حواري زمنا و حسان الجنه
بي النسبه لي حسنك ايه يعني يكونو

--------------------------------------------------------------------------------

الصديق ابراهيم دفع الله24-07-2008, 02:44 PM
أجسامنا ليه جسمين !!

أجسامنا ليه جسمين ..
روحنا واحده وكيف اتقسمت قسمين
شي عجيب في غرامك يافريع ياسمين
أنا يا حبيبي تجدني على هواك أمين
وما بيعجز عن أفكاري في التخمين
حواسي تحسد نظري في حسنك منتظمين
شمالي تاخده الغيره اذا جلست يمين
من المنام ما معاي ولا السته من ستين
عندي التلت من عقلي وعندك التلتين
سايقاني بسمة فاهك در عقيد ومتين
لولاها مالي صالح في الظلال والتين
يالفريد في ظرفك زي صداقتك وين
ما أظن تكون ولا بدعت قبل في التكوين
يامن أسرت فؤادي ملكته في اليدين
ياملفت الأنظار يا ناير الخدين
نحن الجميع مادمنا قلوبنا متحدين
تبقى الصداقه قرابه ونكسب الودين ...

--------------------------------------------------------------------------------

الصديق ابراهيم دفع الله24-07-2008, 02:48 PM
عتاب
ماخلاص ريد وانتهي طول عمري مابندم عليه
كم كتير قابلت غيرك وكم لقيت غيرك حنان انا...اه انا
والغريبة قلبي عايش ليك وحدك من زماااااااان انا ..اه ..انا
قلبي ماقادر يصدق انو لي عندك مكانة...تاني عاوز من ايه
والكان غريب انك تجي وتسأل عن الماضي اللي رااااح ان..اه..انا
لو كلامك في مكانو ..ايه يفيد تاني العتاب ..انا ..اه ..انا
بس مناي تكون سعيد انا اصلي ..مخلوق للعذاااااب.....
فرقت بينا الليالي ..وماظن تجمعنا تاني .....
حبك يصبح لي زكري........واكون علي احزان زماااااني
خلاص ريد وانتهي وطول عمري مابندم عليه
بدينا معاهو قصة ريد…طريفة خلاص لأنها من طرف واحد
تحب التاني بي أخلاص
تلاقينا وتعارفنا فارق دربي لفا فات ولفا وفات
لأنو طريقنا ما واحد انو ظروفنا مختلفات ومختلفات
وفات حسيت بي قلبي معاهو في الدقات مع الخطوات
بدينا معاهو قصة ريد… طريفه خلاص لانها من طرف واحد
ويوم ودعني و هو بزهني وهو بزهني
وداير أحكي ليه شوقي المانع ما يبارحني يبارحني يبارحني
تمر دقايق ساعة واقف ليه مستني
بدينا معاهو قصة ريد… طريفه خلااااااااااااص

--------------------------------------------------------------------------------

الصديق ابراهيم دفع الله24-07-2008, 02:49 PM
من بدري خليتك أنا
نسيت عشرة كم سنه
ما إنت ضيعت الهنا
وكل السعاده العندنا
كتبت لي ريدنا الفنا ....وبقت النهايه المحزنه.
أعذزني ما بقدر أعيد،،
رحلة عذاب دابه انتهت كيف تاني ترجع من جديد!!
صدقني ما بقدر أعيد.... أعذزني ما بقدر أعيد،،
اللليله بتقول نبتدي ،،ولازم أنا أنسى الحصل بعدين أجي....
يشفع عمرنا وينتشي...إنت فاكر حبي ليك لسه أبدي..
أنا حبي ليك بدري انتهى وزي الماكان بيناتنا شي..
أعذزني ما بقدر أعيد،، صدقني ما بقدر أعيد،،
من عمري أديتك كتير ،،أخلصت ليك في كل شي..
والغيره كم فرقت زهور طريقها كان مخضر نضير..
صدقني ما بقدر أعيد.... أعذزني ما بقدر أعيد،،
صدقني ما بقدر أعيد قصة غرام والشوق غنا
رحلة عذاب دابه انتهت كيف تاني ترجع من جديد!!

--------------------------------------------------------------------------------

الصديق ابراهيم دفع الله24-07-2008, 02:51 PM
من بدري خليتك أنا
نسيت عشرة كم سنه
ما إنت ضيعت الهنا
وكل السعاده العندنا
كتبت لي ريدنا الفنا ....وبقت النهايه المحزنه.
أعذزني ما بقدر أعيد،،
رحلة عذاب دابه انتهت كيف تاني ترجع من جديد!!
صدقني ما بقدر أعيد.... أعذزني ما بقدر أعيد،،
اللليله بتقول نبتدي ،،ولازم أنا أنسى الحصل بعدين أجي....
يشفع عمرنا وينتشي...إنت فاكر حبي ليك لسه أبدي..
أنا حبي ليك بدري انتهى وزي الماكان بيناتنا شي..
أعذزني ما بقدر أعيد،، صدقني ما بقدر أعيد،،
من عمري أديتك كتير ،،أخلصت ليك في كل شي..
والغيره كم فرقت زهور طريقها كان مخضر نضير..
صدقني ما بقدر أعيد.... أعذزني ما بقدر أعيد،،
صدقني ما بقدر أعيد قصة غرام والشوق غنا

رحلة عذاب دابه انتهت كيف تاني ترجع من جديد!!

--------------------------------------------------------------------------------

الصديق ابراهيم دفع الله24-07-2008, 02:51 PM
من بدري خليتك أنا
نسيت عشرة كم سنه
ما إنت ضيعت الهنا
وكل السعاده العندنا
كتبت لي ريدنا الفنا ....وبقت النهايه المحزنه.
أعذزني ما بقدر أعيد،،
رحلة عذاب دابه انتهت كيف تاني ترجع من جديد!!
صدقني ما بقدر أعيد.... أعذزني ما بقدر أعيد،،
اللليله بتقول نبتدي ،،ولازم أنا أنسى الحصل بعدين أجي....
يشفع عمرنا وينتشي...إنت فاكر حبي ليك لسه أبدي..
أنا حبي ليك بدري انتهى وزي الماكان بيناتنا شي..
أعذزني ما بقدر أعيد،، صدقني ما بقدر أعيد،،
من عمري أديتك كتير ،،أخلصت ليك في كل شي..
والغيره كم فرقت زهور طريقها كان مخضر نضير..
صدقني ما بقدر أعيد.... أعذزني ما بقدر أعيد،،
صدقني ما بقدر أعيد قصة غرام والشوق غنا

رحلة عذاب دابه انتهت كيف تاني ترجع من جديد!!

--------------------------------------------------------------------------------

الصديق ابراهيم دفع الله24-07-2008, 03:04 PM
خليك كده

خليك كده وما في أجمل من كده ..
عايش معاي لحظة .. أنوار صباحك وبس كفى ...
ما تقول خلاص ليلك قسى ونورو انطفى ..
واللحظة دي لامن تفوت كيف أوصفا ..
خليك كده وما في أجمل من كده ..

فرحة عرس تحضن ديارنا تشرفا ..
رحماك علي قلبي العليل طالب الشفا ..
شوق السنين شايلينو ريد اخلاص و وفى ..
نسمة سحر جابا الزمن لي وقفا ..

نور القمر غار من ضياء غاب اختفى ..
عمرك معاي زهرة ربيع عطر شذاهو و لطفا ..
ولهانه بيك جنة هواك فوق الظلال الوارفة ..

قلبي الحنين زيك تمام عانا وعفا ..
ألحان هواك كيف نعزفا ..
ردد غناي روحك معاي أنا شايفا ..
روحك معاي أنا شايفا ..و حاجز الجمال عندك صفة ..

--------------------------------------------------------------------------------

الصديق ابراهيم دفع الله24-07-2008, 03:05 PM
علمتني معنى الحياة

علمتني معنى الحياة يا أبو العيون الحلوة
علمتني معنى الحياة يا أبو العيون الحلوة
عرفتني سحر الجمال وين منبعو
سمعتني نغمو الجميل ما اروعو
شوفتا النجوم في سناياك يلمعو
لحظات واشراق الجمال ودعو
يا ابو العيون الحلوة
عرفتني أهوى الجمال وأقدسو
وأيقظ مشاعر الناس عليه لو كان نسو
حب الجمال زي الهوى البتنفسو
لكن بخاف من العيون لو كان قسو
يا أبو العيون الحلوة
يا آية من صور الجمال المشرقة
يا جزوة من نار الغرام المحرقة
يا نجمة في طول الليالي مؤلقة
وقلبي الرهيف بي علاك لمن ارتقى
يا أبو العيون الحلوة

--------------------------------------------------------------------------------

الصديق ابراهيم دفع الله24-07-2008, 03:07 PM
علمتني معنى الحياة
علمتني معنى الحياة يا أبو العيون الحلوة
علمتني معنى الحياة يا أبو العيون الحلوة
عرفتني سحر الجمال وين منبعو
سمعتني نغمو الجميل ما اروعو
شوفتا النجوم في سناياك يلمعو
لحظات واشراق الجمال ودعو
يا ابو العيون الحلوة
عرفتني أهوى الجمال وأقدسو
وأيقظ مشاعر الناس عليه لو كان نسو
حب الجمال زي الهوى البتنفسو
لكن بخاف من العيون لو كان قسو
يا أبو العيون الحلوة
يا آية من صور الجمال المشرقة
يا جزوة من نار الغرام المحرقة
يا نجمة في طول الليالي مؤلقة
وقلبي الرهيف بي علاك لمن ارتقى
يا أبو العيون الحلوة

--------------------------------------------------------------------------------

الصديق ابراهيم دفع الله24-07-2008, 03:10 PM
ما قلنا ليك خليها

النظره دي خليها
اللفته دي خليها
القسوه ما تسويها
عارفينا طبعك لين
واصلك عطوف وحنين
بين حنانك لي
ارواحنا ما تجافيها
البسمه زايده حلاتك
والرقه احلا صفاتك
الجفوه ما من ذاتك
ما بتشبهك خليها
انت الامل والمنيه
ضحكاتك اجمل غنيه
يا احلا زول في الدنيا
وكل الحنان الفيها
عارفني لمن تزعل
والله ما بتحمل
احوالي ليك تتبدل
يبقى الحزن كاسيها
ازيد وازيد في حبك
وافرش ورود في دربك
اقول احنن قلبك
ديارنا تاني تجيها
خليك معاي واتدلل
للفرقه ما تستجعل
ده البينا ما بتحول
لو كنتا يوم ناسيها
اهديك غناي للذكرى
خليهو زاد لي بكره
اصلو الغرام والفكره
انك تكون حاسيها
ما قلنا ليك خليها
النظره دي خليها
اللفته دي خليها
القسوه ما تسويها

--------------------------------------------------------------------------------

الصديق ابراهيم دفع الله24-07-2008, 03:12 PM
زعلانة ولا شنو الحصل
رسلتا ليك أجمل خطاب للليلة ردك ما وصل
زعلانة ولا شنو الحصل
شهرين مضت تالت الشهور روٌح خلاص عددو اكتمل
أنا في رجاك ما جاني رد رابع الشهور ما محتمل
أنا عندي ظن ساعي البريد شما العبير عجبو الكلام نايم عمل
شاف الحروف مليانة ريد خلاني أحكي ليه النعل
زعلانة ولا شنو الحصل
أجمل هدية من البلد قولة سلام من الأهل
تنزل تهب مثل الدعاش زي كان جفاف والفيث نزل
شرحت ليك حال الغريب كيفن بعاني من الهمل
وضحتا ليك كيفن هجير الوحدة قاسي
وكم بحن لي نسمة من دار الأهل
زعلانة ولا شنو الحصل

--------------------------------------------------------------------------------

الصديق ابراهيم دفع الله24-07-2008, 03:15 PM
انت مافي .
. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

--------------------------------------------------------------------------------

الصديق ابراهيم دفع الله24-07-2008, 03:20 PM
كلك كلك كلك حلو....
إنت الجمال في كل معنى تكملو..
كلك كلك كلك حلو....
أعشق رؤياك وانوار صباك
لكن جفاك والله ما بتحملو....
كلك كلك كلك حلو....
يابدر سامي مثل الصباح
فيك الحسان إتمثلو.....
كلك كلك كلك حلو....
بالرقه والطبع السماح
خليت مشاعري يتبدلو...
كلك كلك كلك حلو....
إنت في سماك قلبي إصطفاك
طالب رضاك قول لي كيفن أوصلو....
كلك كلك كلك حلو....
لو قلت ليك و الله غيرك مافي زول
شال نوم عيونا وقللو....
كلك كلك كلك حلو....
حتى العناد فيك نقبلو
ياالراااااااقي يالطبعك حلو....
كلك كلك كلك حلو....
لأنك ملاك خلقوك براك
وانت في علاك ماتنسى ريدي وتجهلو....
كلك كلك كلك حلو....
مشتاق كتير أنا يا أمير
لهمسك الناجي الحلو......
كلك كلك كلك حلو....
بالضحكه والفرح الكان
قبال زمانا يغيرو.....
كلك كلك كلك حلو....
أنا في رجاك روحي وهواك عهدي المعاك تاني المحال اتحولو.....

--------------------------------------------------------------------------------

الصديق ابراهيم دفع الله24-07-2008, 03:23 PM
اعمل شنو
اعمل شنو في ريدي اكتر من العاملو . .
اعمل شنو في عينيك لا بهدو لا بجاملو
اعمل شنو . . .؟
سهر العيون هين بصبر عليهو سنين
والدمعة لو سالت بتوري شوق العين
وانا في هواك حاكون أيوب جدير لمتين
بس أنت كيف ترضي كل العليك يبين
اعمل شنو . . . ؟
ما قلنا من اول لامن نريد بنريد
وانا من زمان عارف وجع المحبة شديد
بس انت ريدك كمان لما الوجع بزيد
انا كيف اشوف عينيك لو من بعيد لبعيد
اعمل شنو . . .؟
الليل عشان عينيك سهر قناديلو
بكى من حنينو سنين بلل مناديلو
فاقدين حنانك يا املي البناديلو
انا والقمر ساهرين بحكيلي واشكيلو
اعمل شنو . . .؟

--------------------------------------------------------------------------------

الصديق ابراهيم دفع الله24-07-2008, 03:24 PM
اذكريني يا حمامه كلما ساجع ترنم في هواي وحب جمالك
اذكريني يا حمامه كلما هطلت غمامه في مساك او في صباحك
في غدوك او في رواحك
كلما بارق تبسم او نسيم الصبح نسم
عني دايما يكون سؤالك
في ما هجراني وعلى ما
يالهواك صار لي علامه
شاهرا لي دايما سلاحك
موتي واقف في اصطلاحك
طرفي عن رأياكي مغرم
زنبي ايه غير اني مغرم في هواك من بدري مالك
كل من في الكون نام
عيني ليك فقدت مناما
انتي يا الكاحلك نعاسي
يذدري الاغصان مجاسك
حظي ذي ليل فرعك اقسم
الجحيم من هجرك ارحم عني هل شغلك دلالك.
صرتا اعشق فيكي قامه
خصرها يعيرني السقامه
فيك اشرق نور صباحي
في ثنا البدر استضاحك
فكري زي خصرك مقسم
حظي زي ردئك مجسم هل يصير يرضيكي ذلك
روحي ليك وافت حماما
اذكريني يا حمامه
في ذهابك او في ايابك
ثم في فتره غيابك
الدرر شعري المنظم
دمتي يا الغدرك معظم
في نعيم جنه ظلالك شمبات ظلالك
اذكريني يا حمامه كلما ساجع ترنم في هواي وحب جمالك

--------------------------------------------------------------------------------

الصديق ابراهيم دفع الله24-07-2008, 03:25 PM
ايامنا في الفؤاد ذكراها
ايامنا حبي كيف ننساها
ايامنا ما بنحن لسواها
ايامنا للممات نطراها

يا النسيت ايامنا
ايامنا
عشنا فيها غرامنا ايامنا
عشنا فيها غرامنا ايامنا

ايامنا في الفؤاد الجوة
ايامنا كنا دايما سوة
ايامنا يا ام جبيناًضوا
ايامنا يالنسيت الخوة

يا النسيت ايامنا
ايامنا
عشنا فيها غرامنا ايامنا
عشنا فيها غرامنا ايامنا

ايامنا يالنسيت يا حليلها
ايامنا دي الجميله جميله
ايامنا قم نهارها و ليلها
ايامنا كم مشيت ليقيلها

يا النسيت ايامنا
ايامنا
عشنا فيها غرامنا ايامنا
عشنا فيها غرامنا ايامنا

ايامنا في الجزيرة العايمة
ايامناوالليالي الحالمة
ايامنا و العوازل نايمة
ايامنا و المحبة الدايمة

--------------------------------------------------------------------------------

الصديق ابراهيم دفع الله24-07-2008, 03:26 PM
بسماتي
ياحارم نومي من بسماتي تطول في غيابك وتنادي
لو كان انا لي عندك خاطر رجع حياتك بهجاتي
رجع وحياتك بسماتي

نسيان الريد عندك ساهل واكتر من كده تعمل زعلان
كنت معاك انا متساهل وبعامل فيك بروح فنان
ليه تجرح احساسي المرهف انا برضك في الاخر انسان

بكرة الايام حتوريك كيفن لو كنت معاي
انا رغم قساك كنت بأمل في يوم حتحس بالجواي
اصلي واحاتك مابتألم لوطيفك فارق دنياي

--------------------------------------------------------------------------------

الصديق ابراهيم دفع الله24-07-2008, 03:28 PM
الحزن النبيل


وبــقــيــت أغـــنــــي عــلــيـــك ..
غـنــاوي الـحـسـرة والأســـف الـطـويــل ..
وعــشــان أجــيــب لــيــك الــفـــرح ..
رضـــيـــان مــشــيــت للـمـسـتـحـيـل
ومــعــاك فــــي آخـــــر الــمـــدى ..
فتـيـنـي ياهـجـعـة مـواعـيــدي الـقـبـيـل ..
بعـتـيـنـي لــــي حــضــن الأســـــى ..
وسـبـتـيـنــي لــلــحــزن الـنـبــيــل ..
******
ومشـيـت مـعـاك كــل الخـطـاوي الممـكـنـة ..
وبـــقـــدر عـلـيــهــا وبـعــرفــهــا ..
أوفيـت ومــا قـصـرت فــي حـقـك ولا كــان..
عـــرفـــة غـــيـــرك أصــادفــهـــا ..
وقــــدر هــــواك يجـيـبـنـي لــيـــك ..
جـــمـــع قـلــوبــنــا وولــفــهـــا ..
وكتـيـن بقـيـتـي مـعــاي فـــي أعـمـاقـي ..
فـــي أعـمــاق مـشـاعــري الـمـرهـفـة ..
لا مــنـــك إبـــتـــدت الـــظـــروف ...
لا بــيــك إنـتـهــت الأمــانــي الـمـتـرفـه
******
نــــــدمــــــان أنـــــــــــــا ..
أبــداً وحـاتـك عـمـري مــا شـلـت الـنــدم ..
مــــا أصــلـــوا حـــــال الـدنــيــا ..
تـســرق مُـنـيـة فـــي لـحـظـة عـشــم ..
وأنـــا عـنــدي لـيــك كـــان الــفــرح ..
رغــم إحتمـالـي أسـاكـي يــا جــرح الألــم ..
كان خوفي منك جاي .. من لهفة خطاك على المواعيد الوهم
أهـــوه نـحــن فـــي الآخـــر ســــوى ..
بـــاعــــنــــا الــــــهــــــوى...
مـاشـيــن عــلــى ســكـــة عــشـــم !!
وبــقــيــت أغـــنــــي عــلــيـــك ..
غـنــاوي الـحـسـرة والأســـف الـطـويــل ..

--------------------------------------------------------------------------------

الصديق ابراهيم دفع الله24-07-2008, 03:29 PM
عينيك مدن


عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن

--------------------------------------------------------------------------------

الصديق ابراهيم دفع الله24-07-2008, 03:30 PM
هواك وهواى بى جاروا وسبن أفكارى نظراتك
أحب تعطف تزيل وجدى واحب كل البحب ذاتك
بحب لونك بحب لونك بحب يا حبى نفحاتك
بحب فى خدك الزهرة وبخاف ترمينى لمحاتك
أخاف صدك بخاف جورك واحب تتهنى بحياتك
بحبك حبى للعافية وكمان يا سيدى وحياتك
بحب فيك الحيا الفطرى ويذوب من حالى صيحاتك
إذا فى حبكم ضعت واذا أُقبر فى ساحاتك
أكون للحظ دوام شاكر وأقبل أنت راحاتك
أحب أنظر جمال محياك وأخاف تسحرنى بسماتك
وأخاف لحظك يجرحنى واحب تسكرنى بسماتك
وأحب طيفك يأنسنى واحب تسمعنى نغماتك
وأخاف هجرك يطول بى و أخاف تحرمنى كلماتك
منعم يا فريد عصرك سعيد وسعيده ساعاتك
مكمل يا نزيه صافى وعفافك فطرى مافاتك
وديع وبديع مثال رقة حشيم والريم هوى صفاتك
أٍرت فؤادى يا ضامر ودمعى خضاب فى كفاتك
زيد يا دمعى فى سيلك وزيد يا صدرى زفراتك
حبيبك ودعك راحل زيد يا طرفى عبراتك
حمام الأيك حن مره تعال أسمعنى نبراتك
طربت أم در مقر أملى زمان كفاى عباراتك

--------------------------------------------------------------------------------

الصديق ابراهيم دفع الله24-07-2008, 03:49 PM
أظنك عرفتى
عواصفك مهبـّى
أبارى فى خيالك .. يسوقنى ويودّى
ونهرك يعدى
ويجهل مصبّى
هواجسى البتزرع
وظنـّى البربى
****
لقيتك خواطر
بتصحى .. وتساور
وطيفك يزاور
وروحك تحاور
وروحك تحاور
موشـّح أساور
أقول بس نسيتك
وجرحك .. يتاوِر
****
أظنك عرفتى عذاب المغنى
وطبلو المجدّع
شظايا التمنى
حروفو البتجزع
فى لحظة تجنى
خطاهو البتهرع
متين تطمئنى
****
مسرِّج خيالك .. حصانى القبيل
معربد غبارو
وخلّى الصهيل
مسافر .. مسافر .. وفاقِد دليل
أظنـِّك عرفتى ..
أظنـِّك عرفتى ..

--------------------------------------------------------------------------------

الصديق ابراهيم دفع الله24-07-2008, 03:51 PM
كان نفسي قولك من زمان



كان نفسى قولك من زمان
بالكاتمو فى سرى ومكتم
فى حشاى مدسوس سنين
كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاء
وقتين مدامعى تكون جزا
وتفتح مباهج الليل ظنون
* * * *
كان نفسى قولك من زمان
سطوة محاسنك عندى ما كسرة جفون
وكت العيون تعبرنى زى خاطر المسا
سطوة محاسنك ما الرخام الفى الحرير
وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم
لى طيبتى بى لفظة حنان
وكتين مشاعرك تنسجم فى عمرى
تنفح قلبى بى رعشة امان
سطوة محاسنك عندى وكتين شوقى يصبح فى هواك
.. ليل عزة ما بتعرف هوان
* * *
كان نفسى قولك من زمان
عينيك وحاتك غربتى وأهلى
وبلادى الفيها ضائع لى زمن..
عينيك وحاتك شوقى لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الِـف
أحكيك وأزيد القول ولف
وأتمنى لو قلبك عرف كان من زمان
من قبل مافى قلبى يتحكر
زمان الفرقة فى جرح لأسى
من قبل ما حرف الحقيقة الحلوة يتبدل عسى
ويصبح امانى كتيرة فى خاطر الحنان
كان نفسى اقولك من زمان0000

--------------------------------------------------------------------------------

الصديق ابراهيم دفع الله24-07-2008, 03:55 PM
عدّى فـات ..
زمن العيون الإلفـة
والحضن الملاذ
ورهـافة الحس البلوّن .
ضحكة الناس العـزاز
بعد الحنان .. الكان زمان
إستوطن المطر .. الحراز
روّح زمانى .. وفى رجاك
عانيت قساوة الإنـتـظار ..
فى ضل شبابيك السفر000
صادقت ليلات الموانئ..
الـساكنة فى بحر
الأمانى بتنتظـر
لو يوم طيوف لحظك تفوت
تعبر خيالاتك تمر
قلق المواعيد الضّجر
سهر العيون ... الإحتراز
إتعزز النوم ..فىالخزار ...
وإتمدد الشقا فى العمر
ملّيت تباريح الجراحات البقت
بعدك أسى وزمناً قسا
وحالاً أسيف
ومشيت أفتش عن
خطاويك القبيل .
واضّارى من زمناً ..
وراك ملانى خـوف
أشتقـت ليك ..
اشتقت أرتاح فى عيون
فيهن ملامحك ذاتا
من غير أىّ .. زيف
وإشتقت لى ضحكة صباحك .
والدعاش عطر رزاز مطر الخريف
أنا وإنت والدنيا الزمان
الناس وفـا وخلة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً ..
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف ..
بكرة يصبح حالو .. كيف

--------------------------------------------------------------------------------

الصديق ابراهيم دفع الله24-07-2008, 03:55 PM
علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا
بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
علمينى الإحتمال
ونحنا كيف نقدر نقاوم
فى بلد ملّ الحِوار
صرخة بتموت فى المزارع
زيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّل ومضة الأمل
البيشرِد كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى حروفك
وغيث يخدر فى سهولك
علمينى الأحتمال
ونحن كيف نقدر نجمّع
لى ملامح الليل
بنوصل من مدار
علمينى الإحتمال
وكيف قواى تقدر تقاوم
فى بلد ملّيت صِفوفة
ولاّ أمشى على المزالِق
فى بلد نقرت دِفوفة
ولاّ أشيلِك وإحتِمالِك
إمّا أدّيك فى إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من جروفك
برجا هجعة ليل طيوفك
علمينى الإحتمال
ولاّ نتعاهد نواصِل ..
فى الدروب القاسية نمشى
وفرحة الأطفال نشوفة
ومضة تمحوها الظلال
ولا نتعاهد نواصل
ونظرة تغنيك عن سؤال
فى خيالك .. وغيم ظلالك
بين ظلالك واحتمالى
لمّا يتجاوب سؤالك
ترفع الأحزان ظروفة
وتنقر الأفراح دفوفة
لمّا نتقابل نحقّق
فى وجودى .. وفى وجودِك
أحلى شوفة

--------------------------------------------------------------------------------

الصديق ابراهيم دفع الله24-07-2008, 03:56 PM
الممشى العريض

مكتوبة في الممشى العريض ...
شيلة خطوتك للبنية
مرسومة بالخط العنيد
في ذمة الحاضر وصية ...
شاهدة التواريخ والسير والإنتظار
أدوني من قبلك مناديل الوصول ..
وفردت أجنحة العشم
في ساحة الوطن البتول ..
وضحكت ما هماني شئ ..
وبكيت ولا هماني شئ
عندك وقفت من المشي ..
وغرقت في ضوء النهار
**********
كانوا بتمنوك لو ترتاحي لحظة على الدرب ..
حبوك حب قدر الحروف الحائمة في بطن الكتب ..
قدر الخيال ما مد يدو على السحب ..
كل خاطر قال بريدك
إلا ريدك كان رسول الدهشة في كل الديار ..
************
وأنا زي عوائد الشعر فارس شد خيل الكلمة ليك ..
مصلوب على ظهر البداية القالوا آخرا بين يديك
وصرخت يا مهون تهون شان أجيك
كان أصل يوم لحضورك
كت بريدك ومشتيهك
وأنكسر فيني الترجي
ونلت من سفري الخسار ..
*******
بس داير أقولك يا أصلية
لو تعب فينا التمني
وإنهتك وتر المغني ..
لو تسدي علينا طاقات البشائر
ينهزم يوم التجني
وأجيك لاهماني شئ
عندك وقفت من المشي
وغرقت في ضو النهار00000

--------------------------------------------------------------------------------

الصديق ابراهيم دفع الله24-07-2008, 03:57 PM
عم عبد الرحيم

فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..

عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..

الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...

وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا 000..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..

أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..

عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..

والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..

وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..

حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر 00000

--------------------------------------------------------------------------------

الصديق ابراهيم دفع الله24-07-2008, 03:59 PM
شهيق


نكــــر صــوتك صـــداك ...
غــالــطــني الـزمن فيك
شــهرت عــلى الجــفاف وعدك
بطاقاتنا الخريفيـة ....
رجــع فاضـي الكــلام مليان ...
معــاك إتــبـرجـت غـيـمة
وشهق جوايا صوت جدول ...
مـرقت على المطر حفيان
لـقـيـتــك والــرذاذ مــدخـل ..000.
ونـاديـتـك …أقـيـفـي مـعاي نشيل كتف الغناء الميل
ونتخيل حلم دونك بيتحقق ..
وقبلك خيل دماي واقفة علي شرياني تتشهق ..
وبرق صوتك صداك غنيتي ...

*********
*********

رشحت حلقك لإذاعات الشجر ...
والمنتظر من عودة المدعو المطر ..
وللمسادير و الطنابير ..
واللسة في رحم القصيد ...
والدابو هسة وفي سوق عكاظ
بين مزادات الحروف غيبت رسمك وإحتكرتك للظروف
للزمان الجاي واللحظة الى فاتت مني هسة ..

*********
*********

يا واقفه بين جرح السحاب
وبين شهقة الأرض البكر ..
ما كان ده ريد ..
كان إحتمال تغيير قوانين حركتك ..
ما بين حديثنا ولحظة الفعل الحقيقي ..
وإنتباهك إنت للشارع البيرجع تاني لنقطة بدايتو ..
و إنحيازك إنت للشارع البيرشح في مسام رمل التوقع ..
وما إتعرف قانون نهايتو ...
غايتوا أمشى في الدرب البطابق ..
فيه خطوك صوت حوافرك ...
يا فرس كل القبيلة تلجموا ..
ويكسر قناعاتا ..
ويفر يسكن مع البدو في الخلا ..
ما برضى غير الريح تجادلهُ وتقنعهُ ..

*********
*********

إفترضتك لون أساسي ...
يمنح اللوحة إزدواجية القراية ..
ويفتح الضوء بين خطوط الريشة والخط الإضافي ..
الجاي من شبكية الزول البشاهد ..
وإكتشفنا الرسمك وأنا برضو التوارد في الخواطر ..
نفس أرقام التذاكر ..
البيها سافرنا وشهدنا ...
إنفجارك في الأرض ..
يا سمرة يا واضحة ..

*********
*********

ما غنيت يوم جيتك صدفة ..
قبل أبداك كان غصنك بشر ..
يوم ما كان إحساسك مسى ..
عرج غيمك فيني ومطر ..
لحظة طار عصفور من صدرك ..
رتب فينا إحساس بالإلفة ..
ودوزن عصب الزمن الأشتر ..
وإتوكلت عليك وقلت ..
المارق منك داخل جرح الوردة ..
وراسم فوقا غناوي الطل ..
المارق منك ...
رجع للغابات العرب العاربة ..
وللعتمور الزنج الهاربة ..
وأدى الكون مفتاح الحل ..
المارق منك ...
شادد عصب الورقة وحرفي
وراصد في اللاوعي سكون مواعيد ..
صحوه ... وحلمه... ولونه ..
وشاري يقينك في ظني ...
وسارق لحظة إني أفكر ..
المارق منك ... مارق منك ..
أو مت شهيد ...

*********
*********

ما تتضاري ورى الدعوات ...
وما تتلبسي فرح الفات
يسكن فيك النغم الزايف ...
ويسرق حاسة شوفنا الواقفة
على رجلين جوانا ..
ونحن الهاويه والمطامن من الأرض ..
آه من نحلك ساعة يرحل ..
ولمن يكتب فينا الحنضل ..
ويختم عمره بفعل الشهد ..

*********
*********

قال الجدول :
طلوع النخلة مرور الريح واحد
لكن الريح بتعانق حقل ..
ونحنا بنطلع نخلة وننزل ..
ونكتب في ذاكرة الصفق الأخضر ..
سجنا الريح في الورق الأبيض ..
وجهناها ضد التمر الناعس ..
يسقط زي قبعة الحارس ..
زي الكان بيناتنا وفات ..

*********
*********

قالت غيمة
بين قوسين غيمة لئيمة:
أولاد الشارع فهرس لي كل المدن ..
التهرس جوفك بالأسمنت ..

*********
*********

قالت ريح :
شوف الناس قنديل ..
لو ما نور يحرق كوخ ...
وباقي الحلة تنور ..
أو جبة جوخ أو ينزل بوخ ...
يقول للنسمة الزايفة أقيفي ..
لو تتفرد ريح ...
تتشرد ريح ...
ريح الخوف ...
لو تتفرد ريح
تبدأ تفرتق ضفائر المدن الكاذبة ... تعيد تسريحتك ..

*********
*********

يوم سمايتك شكل قامتك ..
كيف تموتي وتحيي تاني ..
ويوم قيامتك ..
هو البيدينا الثبات ..
يا مجلوبه في قافلة رق ..
ما بستحمل صدرك رصاصة ظلم ..
يا صابت رحم الفال يا قطعت حبل الحلم ..
يا كنا نبيعك يا نسرق ..
إخترنا النار الضلها بيحرق ..
طمناك إنو الدنيا بخشها ضوء ..
يجرح جلد العتمة ..
لما الليل قربان فجرك ..

*********
*********

يا بت يا نيل ... يا بت يا نيل ..
لو نامت قمحة على الأبيض ... واتشرت زيو ..
وزاد الأبيض في غيو..
ومدد رجلة اليسرى ..
ما كان الكسرة جاتك من بره .... صفرا ومنكسرة

*********
*********

زوجناك الشهداء أولاد الكد ..
الماتو عشان الشعب ..
زوجناك ما عندك ضرة ..
زوجناك ما جاتك ضرة ..
ما إنشاف ماعونك ... في الحلة يساسق
ويلقى فتات ...

*********
*********

قال الأبيض للأزرق :
يبقى ضد الانتباه ..
وضد تواريخ التمازج ..
بيني بينك ..
وده البشوفك في مراهقة الخرائط ..
وفينا من وجع المسافرين ..
واطه مالاقت هوية ..

*********
*********

رد الأزرق :
مطر الحبش لو كان نبش ... جواك سقف
وهد حيلك في الدواخل ... وشد عصبك في المداخل
صوت مراكبي وايد بتسأل في القمح ..
وفينا من فرح المسافرين ..
قصة الشمس القضية ..

*********
*********

يا أعشاب النيل الأبيض ..
ماتتضاري ورى الدعوات ..
أقرا تاريخك ... أخاف ..
أقرا تاريخي … أخاف ..
أسأل جبين الفجر ...
ألقى الفجر مطعون في القفا ..
هل سافرت في دمعك المحقون جفا ..
حبة غضب ..
ما شلنا جمرك وإنطفا ..
جوانا نارك والمطر ..
جايين بالكتابة ..
وضربة الناس المهابة ..
لو هز نخلك باشبزق ..
ما فارق التمر السبيط ..
وما ساور الطورية شك ..
إنو الأرض أنثي ... وبتحمل بالحلال
مين اللي قال إنو المسافة ..
البينا بين الشمس طاقة ..
أو مياه النيل بتدخل ..
في عروق السنبلة ..
المسقية بي عرق ..
الجعانين والمساهرين بالبطاقة ..

*********
*********

أقرأ تاريخي وأقيف ..
أقرا تاريخك وأقيف ..
جواك والزمن النضيف ..
جواي من جواك غضب ..
سلم مفاتيح السؤال ..
جيل الشمس موكب حريق ..
واقف على باب الدخول ..
بيناتو بينات الوصول ...
لحظة شهيق000

--------------------------------------------------------------------------------

الصديق ابراهيم دفع الله24-07-2008, 04:04 PM
ما طال في بحرك في مي
ما طال في بحرك في مي
وتمرك مفدع بالجريد
شدرك امد حد السمى
طينك معتق بالطمي
نبيتك اكيد نبيتك هوى
نبيتك ايوة سوا ..سوا من جديد .. نبيتك جديد
ايد ابوي على ايد اخوي على ايد انا
على ايد على ايد تجدع بعيد في اللجة في من راس ميضنة
حيكومة الفقر الدمار
الكضبن والصهينة
اللي ناقص ايامنا كاس
اليالطيف سوس البحر نردم قفاهو حجر .. حجر
من ها الرصيف
الما قدر قدام سريحة الموج يقيف
الما انستر الرزقية وناس وايه
نسقيها كاس اسقينا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احد من الرصاص
يا ضو حبيبين القسا
طول ما انت غرقان في الاسى
تبت يدين ما ترمي ساس
ما تبني مجدك من جديد
تفتح شبابيك الخلاص
تدخل نسيمات النشيد
بيت القصيد يستقبله
مستقبله والحاضر الماضي التليد
يا بلدي يا فردة جناحي التاني
وكت الناس تطيرلي عالمة
وا فجعة الزول البيجيك
ما يلقى فيك غير الهجير ناسا تواي مسالمة
مل البشاشات القبيل تلقاها ميتة مسممة
والجاته جاتة من الارض ما جاته من السما
ما اعتى غبنك يا ولد
واعدل قضيتك واعظمة
لا ترجع السيف الجفير
والدنيا فايرة مصادمة
من غير تجيب تار البلد
ريح العوارض تهزمة
تطرد مع ابليس الاخير دعة الضلال
من جنتك ادمة
تأكل من الشجر الحلال
يغشاك نعاس في ضل رمى
تختال هضاريب الصعب
كربة ليالي المظلمة
يا نيل قبل خاطرك يطيب
ارضك تفزع باللهيب
تكشح تواريب الغضب صعب المراس
نوبة و زنوج وبجة وحلب
رطانة عربان مواشو
ومولدين تلقانا او نلقاك ضو
ظلمة لياليك العجاف
رعشة نهاراتنا النشاف
امنا بيك وموحدين
في ايدينا فاس وقلم رصاص
شتلة وكمنجة ومسطرين
وطبنجة في خط التماس

--------------------------------------------------------------------------------

الصديق ابراهيم دفع الله24-07-2008, 04:11 PM
مريـم الآخــــرى


هاهى الأرض تغطت بالتعب
البحار إتخذت شكل الفراغ
وأنا مقياس رسم للتواصل .. والرحيل
وأنا الآن الترقب .. وإنتظار المستحيل
أنجبتنى مريم الأخرى قطاراً وحقيبة
أرضعتنى مريم الأخرى قوافى
ثم أهدتنى المنافى
هكذا قد خبرونى .. ثم قالوا لى ترجـّل
***********
ثم أنتِ .. أنت ياكل المحاور .. والدوائر
يا حكايات الصبا
تحفظين السر .. والمجد الذى مابين نهديك .. إختبا
ليس يعنيك الذى قد ضاع من عمرى هباء
وأنا .. يا صغيرتى .. لست أدرى ما الذى يدفعنى دفعاً .. إليك
ما الذى يجعلنى أبدو حزيناً
حين أرتاد التسكع .. فى مرايا وجنتيك
لا عليك
فعلي هذه السفوح .. المطمئنة
نحن قاتلنا سنيناً .. وأقتتلنا
نحن سجلنا التآلف .. فى إنفعالات الأجنة
وأحتوانا البحر .. والمد اليقاوم .. والشراع
يا هذه البنت التى
تمتد فى دنيايا سهلاً .. وربوعاً .. وبقاع
ما الذى قد صبّ فى عينيك شيئاً من تراجيديا الصراع
******
والمدى يمتد وجداً عابراً هذى المدينة
خبرينى هل أنا أبدو حزينا
هل أنا القاتل .. والمقتول حيناً .. والرهينة
هل أنا البحر الذى لا يأمن الآن السفينة ؟
خبئينى بين جدران المسام
قبلينى مرةً فى كل عام
فأنا أحتاج أن ألقاكِ فى كل عام
أنا أحتاج أن ألقاكِ فى ذرات جسمى
فى الشرايين المليئة بإنقلابات المزاج
فى إنعكاس الضوء
فى النافذة الأولى .. وبلـّور الزجاج
.. هكذا قد خبرونى .. ثم قالوا لى ترجل
***********
وعلى أطروحة الحلم المسافر .. ألتقيك
على حمى الرحيل المستمر .. الآن .. فى كل المواطن ألتقيك
فى مساحات التوهج .. فى جبينى .. ألتقيك
فى إنشطار الوقت .. فى كل الذرى
وفى حكايات الطفولة .. إذ يعود بنا الزمان .. القهقرى
آه لو تأتين يا سيدتى .. من كل فجٍ .. وأتجاه
من عميق الموج من صلب المياه
تستطيعين التنقل بين أرجائى وظلى
تستطيعين التوهج .. عند لحظات التجلى
ولعينيك إمتلاك وثائقى .. حتماً .. وقلبى
ولعينيك التنصل .. عن مواثيقى ودربى
هكذا قد خبرونى .. ثم قالوا لى ترجل
**********
وأنا أبحث عن صيغة هذا البعد .. هذا اللاّ نهائى
عن قرار الشعر .. عن لون التـّغرُّب
بين جدران المقاهى
آه لو تأتين ... آهِ
تجدين الإِلف الممتد سهولاً .. بإنتظارك
وأنا .. كالحذر المنساب .. خوفاً
بين صالات الجمارك
كالرحيل .. كالترقب .. وإنتظار المستحيل
هكذا قد خبرونى
ثم قالوا لى ترجل

--------------------------------------------------------------------------------

الصديق ابراهيم دفع الله24-07-2008, 04:12 PM
ليـه غبتـي يا قمـــره

ليه غبتى يا قمرة
نركب جياد الليل
وإنشرّ بينّا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشا .. نِشِف
نشرب بواقى السيل
******
صُدْ لى ملامحك .. يا حراز
ريح العوارِض ... غرّبتْ
فرتِق ضفايرك .. لى الرزاز
... جية العصافير .. قرّبتْ

--------------------------------------------------------------------------------

الصديق ابراهيم دفع الله24-07-2008, 04:13 PM
احساس بالأمل


أديني إحساس بالأمل .
. في كل رحلة شوق تطول
وأدي الخطاوي الراجعة ليك ..
في سكتك عشم الوصول
ما الدنيا كلها إرتحال …
والإنتظار قدر الوصول ..
الموجة تحلم بالضفاف …
والغيمة تحلم بالهطول ..
0000000000000000
راحل معاي ضي الأماني ...
وذكري للأيام هناك ..
لحظات بتذخر بالمعاني ..
وكيف أنسى تذكارات هواك ..
نتحمل الغربة ونعاني ...
ونصبر عشان نكسب رضاك ...
ونغني لو زاد الحنين ...
ياريتو كان سفراً معاك ..

--------------------------------------------------------------------------------

الصديق ابراهيم دفع الله24-07-2008, 04:13 PM
غربـة ومطـر

الدنيا ليل .. غربة ومطر
وطرب حزين
وجـّع تقاسيم الوتر
شرب الزمن فرح السنين
والباقى هداهو السهر
*******
ياروح غناى
الغربة ملّت من أساى وغربتى
وبقيت براى .. حاضن أساى
الوحشة ملت من شقاى .. ووحدتى
لا غنوة .. لا موّال يبدد حسرتى
غير الدموع ياملهمة
الغربة مرة .. ومؤلمة
*********
كلمى النيل ضفة .. ضفة
والعشيات لما تصفى
والنسيمات البتاخد
من عفاف ريدتنا .. عفة
إنو شوقى يفيض بحر
شوقى شوق إنسان مضيـّع
ضيعو الليل .. والسهر
لا ينابيع ريدى جفـّت
لا .. ولا أشواقى كـفـّت
كل يوم فى الغربة زايدة
وبيها كل الدنيا .. عرفت

--------------------------------------------------------------------------------

الصديق ابراهيم دفع الله24-07-2008, 04:14 PM
الطـيــــــــور

والله نحنّ مع الطيور..
الما بتعرف ليها خرطة
ولا فى إيدا جواز سفر
نمشى فى كل المدائن
نبنى عشنا بالغناوى
.. وننثر الأفراح .. درر
والربيع يسكن جوارنا
والسنابل تملا دارنا
والرياحين .. والمطر
*********
والحبيبة تغنى لينا
لا هموم تسكن دروبنا
.. ولا يلاقينا الخطر
*********
إلاّ باكر يا حليوة
لمـّا أولادنا السمر
يبقوا أفراحنا البنمسح بيها .. أحزان الزمن
نمشى فى كل الدروب الواسعة .. ديك
والرواكيب الصغيرة .. تبقى أكبر من مدن
إيدى فى إيدك نغنى
والله نحنّ .. مع الطيور
الما بتعرف ليها خرطة
ولا فى إيدا جواز سفر

--------------------------------------------------------------------------------

الصديق ابراهيم دفع الله24-07-2008, 04:19 PM
ادفقي

ادفقي ما تبقي رقراق
ابقي ياضل ياشموس
غطي الساحات بالوضوح
انهضي الشوق البدوح
وهجك شوارع ذاتي في ليل اليباب
ما تشفقي العطش الرحيل
النيل ركيزة ودمعة الاحباب سحاب
ما تخافي من دم الغروب
لو رتش اللوحة الضباب
ما دام ضمير الفينا حي
ما دام عريق العشق حي
ملحوقة يامدن السراب
نديانة بفرح التساب
ادفقي فيضان عمر وفجي الوجع
دمع الالم ما يهددك ما خاب غناك
فارسك رجع ..
اتوهجي انت الشمس اتلهجي
نورك سطع نور بوادينا الكساح
رقصت مزامير الصباح
مبكية قرية وقنبلة
مسقية دمعة وسنبلة
الليلة في ايدنا السلاح
ريشة ..وكدنكة .. ومطرقة ..
نبنيك احسن يا ظروف ..
مخضرة دانية القطوف ..
نطوي المسافات نسبقا
ادفقي بلدك فداك .. اتوهطي
وري البنيات العزيز
محمية بعرق الترابلة ونغمتك
مسقية بالريد العتيق ..
انغام ربباتك تشيل معزوفة الليل والرفيق
ما تصغري تكبر اماني السنبلة هيا اكبري
تصغر معاني القنبلة
ما ترجعي الصد للمدائن والقرى
شيلي الشحوب والاصفرار
ادي البويتات مظرا
ادفقي في كل شارع وكل بيت
في روابينا المحنة في ضمائرنا السهول
ادفقي في كل حتة وكل زول
وابقي شان تحي الحصول

--------------------------------------------------------------------------------

الصديق ابراهيم دفع الله24-07-2008, 04:19 PM
مزيــكة الحـواري

مانى غرقان فى التمنى
ولانى سارح بالأمانى
زارنى خاطراً بلّ شوقى .. وإحتوانى
النخل إتلاقى .. غنى
وردد النيل الأغانى
النجوم لامع بريقا
الورود النايمة .. فاقت
عطرت كل الجزاير بى رحيقا
الندى الراقد بفوقا
صفّقت جنحاتو غنت .. لى هوايا
**********
دقوا مزيكة الحوارى
رقصوا البنوت .. أعرضوا
النخل زايد فى عرضو .. وفى علاهو
البيوت غرقت وراهو
وبرضو زايد فى علاهو
يحكى للدنيا الجميلة
سر عظمتو .. وسر بهاهو
********
ضى عيونك يا بنية
يضوى من بلداً بعيدة
تحملك لينا الغمامة
ويكتمل للروح .. نشيدا
وفى الدروب اللّيك تودى
بنسرج الخيل العنيدة
والحزن من نور عيونك
يلبس الفرحة الجديدة
***********
وأنا راكب يا مراكب
لا الرياح توقف خطايا
لا الجبال .. تحجب رؤايا
ست شموس الكون .. منايا
ليك مسافر
ومن كتير الزاد .. مسافر بى غنايا
نوصل الشمس البعيدة
نبقى عيدا
نزرع الحب البيوقد
لى النهاية

--------------------------------------------------------------------------------

الصديق ابراهيم دفع الله24-07-2008, 04:20 PM
وهج الشعاع
يا ريتنى زى وهج الشعاع تمتد سحابات الغروب سر روعتو
وزى قدر المسافر لمدن محهولة لما تضيع خطاوى البهجة
فى همس الكتوم
حبك صبح أشتات ظلال وأطلال خيال خرافات قصتو
برحل عشان أنساك وأسيب الذكرى فى وجع الطريق
وأمسح دموع شمس الهوى المصلوبة فى صمت الغروب
وأمسح دموع قلبى التعب كان فى هواك
يقدر يتوب ما كان عشم قلبى الحزين
مترجى من عينيك حدود كان عندى فى سفر الأمل
تلقى البودع ليك وعود والليلة يا قلبى اللى راح
بروعة أشراق الورود مد الغروب المادى أيدو
ضاعت أحلام الورود زى ما بموت وهج الشعاع

--------------------------------------------------------------------------------

الصديق ابراهيم دفع الله24-07-2008, 04:21 PM
ضليت

ضليت
هرب منى الأمل جنيت
جافانى الشروق حنيت
كنتى معايا فى لمـّة
دليب .. شاشاى
فى إيقاع حشا المردوم
فى جيد الزمن سوميت
مرقت على محطات
السفر غربة
وما لقيتك أمل شارد
مع إنك معاى
فى زحمة المشوار
وحتى يقينى عاد من تانى
صحـّاك من حنين ذاتى
نجم الفرحة يا عايد
* * * *
تعالى معاى
من زفة نفس مسدار
وما جرتق فرح كانت
ولا طعم الشقا الروّح
خطاى هانت
وإنتى معانى شايلاها القوافى
معزة فى عمق الفرح دوبيت
وكت ضليت
قعدتّ براى وحسيتك
بتطلعى من نفس طورية
ضامـّة الطين
ومن دمعة وجع طوّل
ندا العرق البنادى حنين
* * * * *
واناديك وانت في ذاتي
مخاوف سكة آهاتي
مداين قرية لابسة القمرة شامة ضو
يحن يغشاها مرة شروق
يخدر من عرق تربال
يرتاح في ضليل واسوق
ينادي تراب
يغازل خدرة السيال
تطلُ شروق
تكون قمر السعد ضويت

--------------------------------------------------------------------------------

الصديق ابراهيم دفع الله24-07-2008, 04:21 PM
الجالوص الشاعر


معتوقة ومعتقة ومنعتقة
نوافير إنتشاء وحشمة
وحَـمار العين ..
تضحك كلما وقعت مصيبة
تمشى على العجين وتلخبطو
وترطن إذا جاها الحنين
* * * *
يا بت بيوت الهجعة كيف ؟
غبار شوارعك ماشى وين
زقاق يفتش فى زقاق
كتمة وضلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
* * * *
صوتك وكت قطع البحر
قبال مراكب العمدة
ضهر النيل عرق ..
والشمس فوق حبل الغيوم
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع الشرح للأرضة
كيف تقرأ المرق قبال يقع
فوقـك سقف
إتنحنح الجالوص
أمرق على مهلك ..
مروق الحنة من ضفر العروس
واصعد على مهلك ..
صعود البذرة والروح والشموس
* * * *
مبنية مدن الخوف
من طينة آخر الليل
وانا فى سقالة الشوق
قدح البصيرة تقيل
فاتح زريبة الجوف
تمرق تخش الخيل
على كيفة كيف معلوف
ضهر المظنة يشيل
وانا ظنى ظنيـتـو ..
فى النيل غريق فى النيل
و الليل ولافى بالو ليل
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت ؟
ما عاد هواك يفتح فى الكتمة
شباك النزيف
وين تكيتك فى الغيمة شطيف النجوم
ريف الجسد صدرك سبلوقة اللبن الحريف
داسينى فيكى نضر
والأنبياء فاتوا
والأنبياء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ما ذنب جلد الطار
لو غنو بيهو شتر
ما تخافى الله معاك
وكل الملائكة سمر

--------------------------------------------------------------------------------

الصديق ابراهيم دفع الله24-07-2008, 04:22 PM
يا صباحـك

وإصطفيت جرحك براك
وتر إنتباهك والنغم
ضفة تزرع فى الشروق
وضفة بتقاوم الألم
شمعة الأمل التهِد
ليل الكوابيس زمن الودار
شامخة بتعاند فى صدى الليل
الهياج الإحتضار

صاح إنتباهك فى الزمن
لما أصطفاك
قدر العصافير الرحيل
غدر الشِباك
شوك المتاهات الدوار
تحتك نسيج الليل طويل
للأناشيد الماخدة
من حـِزم الشعاع
نار البدايات البتول
للسحابات التلوِّح قوس قزح
بُشـْرَة هطول
ولى ضِيا القمر المقرّح
ضد قوانين الأفول

وليك يا آخر الخيول
فرس الرِهان الما كبا
وهج الشموس الإشتعال ..
وإنكسار المستحيل
شقيتو بى سيل الحروف
الطالعة دابا من الصدف
مجرى البحر
تيارو والموج الرجوع
أديتو حيل مدّو الزمان
كان إنحسر
غيرت فى الزمن الملامح
طعم الكلام لون الغُنا
وطبع البذور كيمياء التراب
طقس المطر

صاح إنتباهك فى المكان
زهو السنابل بالقموح
وإجتراحك لى لسان لغة الجموح
وكتين يتوه بين السكات
سيف القيود الإرتهان
شمس الحقيقة الأهـ
بقت منفى ونزوح
وأقتباسك للصبر لغة اليقين
بإنقسامك فى الزمن
وإنصهارك
وإقتسام الآهة بينك والمحن
وإنتصارك لى صباحاً بكرة طالع
من مدارات الصهيل
يا صباحك
لما تنداح ضفة جراحك بالشجن
وتقلِد الزمن العديل
يا جراحك
لما تفرد غيم جناحك
فوق عذابات الوطن

--------------------------------------------------------------------------------

الصديق ابراهيم دفع الله24-07-2008, 04:23 PM
السحاب

السحاب لو اصلو
خاصمنا و تعب
و الرياح الفي الدرب
شتّتتْ فرح القوافي
و بّددت حزن المنافي
مددت بعد المنافى
برضو ريدك فينا باقي
ريدك انتى فينا باقى
في الحنايا ..وفى الزوايا
في عيون أطفال بتكتب بالدوايا
في المشاوير والحكايا
و جّوه ثابت في القلب

يا سمحه ما غابت مدينة
يا سمحه ما بموت الفريق
و لابينهش في غناوينا الحريق
و الوتر دايماً بغني
للقوافل الجاية من وجع الطريق
و السحاب برضو بيعود

ويجينا بي بريق البشارة
بينا بينك لا موانع لا سدود
بيناتنا بس تبقي الجسارة00

--------------------------------------------------------------------------------

الصديق ابراهيم دفع الله24-07-2008, 04:24 PM
شوك الشوق


شوك الشوق لى الشوف آ خَىْ
ضارب قطن النسج الحى
يا منقاش أحزانى إنشرت
وادى الفرح إتمدد صَى
يا راحلين عِـنْ دُغُش الليل
ما لاقيتو جناياً زى
تكية نخل الفجُر الجاسِر
فوق فى المتَرَة عَرَاجِنْ ضَى
آ رعاوة .. العرب الرُّحّل
ما لاقاكُنْ فى المطرانى
فى كاويقْ الجرف الأمحل
بين أسراب الرهو الراحِل
ساند أكتاف الليل الميّل
عِنْ ساساق الغيمة عليكُن
بين رقراق الخيمة معاكُن
ما أديتوهو شِوَىْ بى حرجل

آ رطّانة الليلُن ليّل
ما لاقاكُن فى ونساتكُن
بين الشادِى وبين كاساتكُن
فى صلواتكن عِنْ دعواتكن
أو دقساتكُن عِز خلواتكُن
زول زول الله
إن مِحِن آ بِسأل
الهبّاد لى غُلبْ أخواتو
الفرّاح عوّان الحلّىِ
الفدّاع لى الليل ظُلماتو
آ نجمات شقيش قولن لى
ما لاقاك طالِع متدلّى
المطيوب من طيبة أُمّاتو
كالفجّاج الندّ نباتو
موج البحر اللّحَمَر هوجتو
وعِرق العِرِق اللاّوى ثباتو
جانا الشَدر الأخَدَر منو
ونار الشدر الأخَدَر جاتو
فات شِقيش
أب قولاً واحِد
وليش ما يرجع من غُرباتو
طوّل طُول ما طلّ علينا
وقاطِع مِننا جواباتو
الغابات جات تنشِد منو
والعربان راجين جياتو
أديناهم عرقو وعَلَقو
صورتو يقلِّب فى كِتْباتو
ضُل رشاشو ركيزة زولو
ساعة سِلمو ويوم حوباتو
سِن طوريتو ولون أبرولو
حِس طنبورو البى نغماتو
لهْلَب عِشق الناس الفقرا
وبرّد جوفُن بى غنواتو
ويا غنواتو
الدخلت فينا
تمرق جينا على جِلاّتو
وجِيداً جينا طلقنا وشينا
وش الدنيا الليلة حلاتو
وش أطفالنا الليلة حلاتو
وغنى معانا غنانا هويتو
غنِّى العالم
غنى حياتو
لا ساومنا عليها قضيتو
ولا فكينا من إيدنا وَصَاتُو
ألف شليل يا نورة يفوتو
عشان ما يجيك شليلك زاتو

--------------------------------------------------------------------------------

الصديق ابراهيم دفع الله24-07-2008, 04:25 PM
تاريخ التسجيل: Oct 2005
المشاركات: 435
معدل تقييم المستوى: 3
مد إيدك شيل سلاحك


مد ايدك وشيل سلاحك
لاك إضينة ولاكا خايب
لاكا زول تركة مزلة
لا بفوتوك فى الضكارة
انت شايف
غطّت الأحزان ربوعنا
وشتّت الطغيان جموعنا
مافى غير تحمل سلاحك
تحمى ساحك..
وتشفى بى ضراعك جراحك

هم أرازل .. ديل أرازل
خانو كل أعراف بلادك
جهزو سلاحهم فى غفلة
إستباحوك فى كرامتك فى أصولك...
قم تقدم .. أصحى من وهدة زهولك
شق طريقك...
لى رفاق الوجعة منتظرين وصولك
فى صفوفهم خانة فاضية
إنت سيدة وطولة طولك
بندقيتك راجية جيتك تحمى قولك ..
شيل سلاحك قبل ما سلاحهم يطولك

--------------------------------------------------------------------------------

الصديق ابراهيم دفع الله24-07-2008, 04:26 PM
بين سجن وبيت اشباح



بين سجن وبيت اشباح
وعطالة ودم مباح
ومزلة تودى الغربة
والغربة جراحة جراح
والحل فى بلدك زاتة
تتحدى سلاح بسلاح
تهزم خفاش العتمة
ويغسل سودانا صباح

الخمج الماحق سوقنا
من بعض وفا المحتاج
والعبرة الرابطة حلوقنا
من فيض كاس الدجال
الوهم الداير يسوقنا
اصبح مفضوح الحال
ما فضل الا مروقنا
وبسلاحنا نعدل الحال
بسلاحنا نعدل المال

يا غضبة نيلنا الطامح
وكتين يكسح طوفان
يا سيل الشعب الجامح
فى الثورة بعد عصيان
يا ضراع الولد الجارح
بسلاحك فى المليان
الكى للالم الناتح
والعبرة لكل غبيان

--------------------------------------------------------------------------------

الصديق ابراهيم دفع الله24-07-2008, 04:26 PM
الحزن القديم

الحزن القديم ..
إنتِ
ولا لون الفرح...
إنتِ
ولا الشوق المشيتْ بيهو..
وغلبْنى أقيف...
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه..
ومن شهقَة زهور عطشانَهْ
فوق أحزانهْا..
متْكَّيهْ..
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى..
معاكْ يجينى زمن..
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي..
خُطانا الإلفَهْ والوحشَهْ..
وتمشى معاي... وتْرُوحى..
وتمشى معاي وسط روحى
ولا البلْقاهو بِعْرِفنى...
ولا بعرِف معاكْ ..روحى

--------------------------------------------------------------------------------

الصديق ابراهيم دفع الله24-07-2008, 04:29 PM
بلد رايح

حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
واسأل..
عن وطن رايِح
واديكم خبر جارح:
بأنو جميع جموع الناس
حيفضلوا لا كراع
لا راس
ونشترى في الدكاكين يوم
مسابح من دموع الناس
مساحيق من هموم الناس
زهج
يتْعَبّا في الأكياس
ونعلن في المزاد علنا
وترغي الجوقة والأجراس:
"!نبيع الطفلة والكراس"
واصرَخ
! ياوطن! يا بيتنا
ليه ما تبقى لينا الساس
قدر ما تجري فيك
أفكار...
يزيدوا الحبس والحراس
قدر ما تجري فيك الخيل
تدوس الهيبة
والإحساس
واسأل
يا وطن رايح
اذا كل القبور دخلت
بيوت الناس
بلا اسئذان
بلا صلوات
بلا أكفان
جريمة اسائل الدفَان؟
حريمة طلب تمن قبري
من البايع في أي مكان؟
واقولك يا وطن
رايح
واقولك يا وطن
آمر
سلام النفس ما كافر
ولا كافر
ولا كافر

--------------------------------------------------------------------------------

الصديق ابراهيم دفع الله24-07-2008, 04:29 PM
الود


أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرَهْ

--------------------------------------------------------------------------------

الصديق ابراهيم دفع الله24-07-2008, 04:34 PM
بناديها


وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا

--------------------------------------------------------------------------------

الصديق ابراهيم دفع الله24-07-2008, 04:35 PM
أرحل

قلت أرحل ..
أسوق خطواتي من زولاً نسى الإلفة
أهون ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى
منــفـى
مـنفى

--------------------------------------------------------------------------------

الصديق ابراهيم دفع الله24-07-2008, 04:36 PM
أول غرام

أول غرام
يا أجمل هدية
يا أنبل مودة
يا نور عينية

حبي ما هديتو
وغيرك ماصطفيتو
واجمل من عيونك في الكون ما رأيتو
***
لونك أبهى لون
وكفاك العيون
آه للإبتسامة
كالنغم الحنون
نظراتك لهيب
وتثير الشجون

ليه قلبي سليتو
وبالآم رميتو
قول لي يا شرود ايه ذنبي الجنيتو
***
نسيت ضو القمر
في أجمل ليالي
وشعاع النجوم
يبهر كاللآلي
كيف تنسى النسايم
وانا حبي المثالي

قول ليه نسيتو
مع إنك رويتو
جورك يا ظلوم لله اشتكيتو
انا ما زلت هايم
اذكر طيف جمالك
اواصل الليل نهار
اسبح بخصالك
وماضي الذكرى عاد
يسجد لدلالك

تعال يا من هويتو
وشوف حالي الأذيتو
رفقا بدموعي والحب البنيتو

--------------------------------------------------------------------------------

الصديق ابراهيم دفع الله24-07-2008, 04:37 PM
لا تسلنى

لا تسل عنى ليالى حبيبـــــى لا تسل
لا تسلها فهى حلم عابر طاف بذهنى
لا تسلها كم تعانقنــا علــى رقة لحن
وقضينا الليــلة الاولـى حديثا وتمنى
لا تســل عنــى ليالــى فقد بتنا حطاما
كم حرقناها شعـــورا وامانى وغراما
وســـل الشاطى لما كنت القاك دواما
ونذيب الليل همسا وعناقـــا ومـــلاما
يا حبيبــى انت الهمت اغـانى وجرسى
انت فى وحشة ايامى ندى اورق انسى
انت فى عمــرى ربيعا دافئا يملا نفسى
افلا عدت وعادت قصة الحب كأمسى

--------------------------------------------------------------------------------

الصديق ابراهيم دفع الله24-07-2008, 04:41 PM
السنبلاية
لّما عرفتك اخترتك سعيد البال..
وختّ شبابى متيقن
عليك آمال
لا جيتك قبيله..
ولا رجيتك مال
ولا مسحور
ويوم ما كنت في عينىّ..
أجمل من بنات الحور
جيتك عاشق اتعّلم
من الأيام
ومن سأم الليالى البور
ومن أسر الوِلِف كتّال
لقيتك فى طشاشى دليل..
وفى حرّ الهجيره مقيل
ركزت على ضراكِ عصاى
لقيتك فى حياتى جذور
بنيّه اتلفّحت بالنور
مهجّنه من غنا الأطفال..
ومن سعف النخيل والنيل
ومن وهج الشمس موّال
وان اخترتينى إنساناً..
عزيزَ النفس بتمنّى..
وبسيط الحال
علىَّ حرَّمت زرعاً
ما سقيتو حلال
ومافصّد حصادو قفاى
وبينى وبينك الضحكه..
ورحيق الشاى
وطعم الخبز والسُتْره..
ومساء النور
وعمق الإلفه..
بين النهر
والنخله
وغنا الطمبور
وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن
وتزعلى يوم..
وازعل
وننفعل مرات
تقبّلى منّى..
واتوسّد ضُراعى سكات
وفينا حنينه
تتشابك موده..
تشابك الغابات
ونحن اذا اختلفنا سوا..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
وتتكى سنبلايه على ضراعى..
واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل

--------------------------------------------------------------------------------

الصديق ابراهيم دفع الله24-07-2008, 04:42 PM
قصتنا

بالمعزة .. بالمـودة بينا بى اغلى .. الصلات
بالهـوى العشناه بى أعصابنا
بالعذاب الشفته والسر الكتمته ..
معاك وباقى الطيبات
استحلفك اترك سبيلى وسيبنى ..
وحدى اقاسى مر الذكـريات
انا بحنانى الغالى خصيتك وحبيتك ..
بكل جوارحى وعواطفى العميقة
وانا شلت من اجلك هموم الدنيا ..
قاسيت من جراحها وكل منيقه
وبـى سعادتك انت كم ضحيت ..
واتغــربت ما خليت طريقة
وفى مسيـرى المضـنى ..
من اجل الحقيقة
كل طائر مرتحل عبر البحر
قاصد الاهل حملته اشواقى الدفيقة
ليك يا حبيب للوطـن لى
ترابه الشطـآنه للدار الوريقـه
لكن حنانك او حتى مشاعـرك
نحوى ما كانت حقيقه
وما بيدى لو ضباب الغيرة
اعمانى وزيف لى الحقيقه
وانت نبع حنانى إنت ..
كيانى وأخيلتى الطليقة
ان حصل زلت خطاى معاك ..
او ضلت طريقه يا اجمـل حقيقه
برضو سامحتك لحبى مالأجلك ..
للمعانى الكنت انظم فيها حولك
يا حبيبى لم تزل قصتنا ..
قصة حب اقوى من الحقيقه

--------------------------------------------------------------------------------

الصديق ابراهيم دفع الله24-07-2008, 04:44 PM
المرسال


مسكين البدا يأمل
أملو يغلبو تحقيقه
والعاشقة جفا المعشوق
الليلة وا سهرو ونشاف ريقو

امش قول ليهو ياالمرسال
عساه يراعي ملهوفو
حبيبك و بي وراك
جارت عليهو وخانتو ظروفو
فقد صبرو شرد نومو
لهيب الشوق خنق جوفو
نحول جسمو شحوب لونو
براك أحسن تعال شوفو
مسكين .. مسكين

براي السويتا في نفسي
قلبي الحب ما واعي
عشق زولا مجافيهو
وما كان للحصل داعي
اقول اتناسي حبو يزيد
تزيد بالتالي أوجاعي
طريق الحب مشيت فيهو
تعذر تاني ارجاعي
مسكين .. مسكين

خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني وبقو فراجة
مسكين .. مسكين

--------------------------------------------------------------------------------

الصديق ابراهيم دفع الله24-07-2008, 04:45 PM
القبلة السكرى


أتذكرى فى الدجى الساجى ... مدار حديثنا العذب
وفوق العشب نستلقى .. فنطوى صفحة الغـــيب
وإذ مـــالاح نجم سعد .. نرشف خمـــرة الحـــب
اتذكرى عهد لقيـــانا .. ويوم القبــلة السكـــرى
وقبَّل ثقرى الظامى .. فقــــد لا تنفـــع الذكـــرى
وترقد فى يدى كالطفل .. الثم ثغرك العطـــــرى
وقطرات الندى الرقراق .. تعلو هامـــــة الزهد
والحان الهزار الطلــق .. فـــوق خمـــائل النهر
ولما ينقضى اللـــيل .. وينــعس ساقـــى الخمر
يرف الضوء كالحلم .. يسكــب خمـــرة الفجــــر
اتذكرى قبلتـــى والليـــل .. يــروى طلعـــة البدر
كيف اناملى الحيرى .. تداعب خصلة الشعـــر
وتنعس فى ظلال النور .. تحكم بالهوى العذرى
اتذكرى عهد لقيانا .. ويوم القبلـــة الســــكرى
وقبل ثغـرى الظامى .. فقد لا تنفــع الذكــــرى

--------------------------------------------------------------------------------

الصديق ابراهيم دفع الله24-07-2008, 04:47 PM
خاطرك الغالى

دائما أطيب خاطرك الغالى واسامحك لو نسيت
ودعت من يهواك وقلبه بقربك مهما نسيت
كم حاول يفرق بينا حاسدا او عزول
كم مره قالوا جنيت عليه بدلت ضوء ايامه ليل
لكنى يا نور العذراى انا ما بضيع حبى قول ..
تلقانى دايما في رجاك وغناى في حبك رسول
اسال عليك الليل ونجمه وحتى انوار الصباح
وكل طائر في سماه اسال مشاعر عن هوانا
وليه حنانك لى راح
تلقانى في غاية الألم آمالى تزروها الرياح
حيران اسال نفسى ايه كان السبب واصل الخصام
يمكن اكون في حقك اتلومت في ساعة مـلام
لكن ما معقول يكون انا قلبى ليك حفظ الفراق
ما اظنه من يعرف الهوى يعرف عدوه مع السلام

--------------------------------------------------------------------------------

شمس الدين ادم28-11-2009, 08:58 AM
خــلي بالك

خلي بالك لي إيدي وقت اسالمك لما يازولتي البريدك
أمسح من الزمن العداوة واقول بريدك
تفرح الناس الحزينة والأسف الكان مدينة
تهدمو الريدة الحنينة
إنت وأنا من فوق على قمماً سعيدة
نخلي صوتنا دوام يغني
ياصوتنا غني باللهفة والحب والتمني
لاسهاد في ليل بعاند لا الوجع تاني بعاود
بس تغني نهدم الخسران ونبني بالوهج عالم مغني



النهايات

النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية



قربــك

قربك بفرحني بعدك بجرحني
حبك بسمحني صدك بقمحني
إن شاء الله دايم لي قربك وحبك لي
إن شاء الله لينا تدوم المودة والريدة
ننسى السهر والنوم نحضن أغاريدا
ننسج سوا الأحلام نتفانى شوق وهيام
وهواك يحلق بي وارعاك بضي عيني
الله العليم بالريد جافانا صداً ليه
قسمة ما بالأيد وهواك هد الحيل
وهواك شال البال ياغاية الآمال
سآل الكريم الحي يحميك ويلطف بي
مالينا غير الريد غير الهوى الغلاب
غير رحمتك يالسيد يامجمع الألباب
يجمعنا رغم البين ونعيش سوا الإتنين
أرضيك وتبسم لي يالبي هواك أنا حي


لماردتـــك

لما ردتك كنت عارفك زي نغيمة هاربة من وتر الأسية
كنت شايفك زي نجيمة ضاوية في الفجج القصية
كنت حابسك زي دميعة خوفي لما تسيل روية
تجرف أحلام العيون العايشة جنبك لاشقية
لما ردتك كان عمر قصتنا ساعة
الزمن في لحظة نادى كل أفراحو المضاعة
ماالمودة معاني سامية والأمل للروح مساعة
إنتي ترحلي زي مراكب للوداع فردت شراعا
حومي في خاطر حبيبك كوني في زحمة ظروفو
شعري من بهجة عيونك من حنانك ضي حروفو
دنيا فيها الريدة قسمة وكل زول كايس وليفو
ريدي مكتوب في الجبين بكرة ياما العين تشوفو



كل ما سألت عليك

كل ما سألت عليك صدوني حراسك
ردوا الجواب كافين مع إني من ناسك
ردوا الجواب قالوا كم غيرك إحتالوا
غير صدهم لاشئ مننا نالوا
يا قاسي يا قاسي هل يرضيك ما قالوا
ام إنت ماهاميك ولا حرّك إحساسك
ياغالي ياغالي يالديمة في بالي
جفاك حارمني من لهجك الحالي
أنا في هواك ياجميل إتحطم آمالي
أنا برضي بستناك والصبر يحلالي
كل ما شذاك يسري في قلبي كالسحر
ييقظ لهيب الشوق والهوى العذري
أهواك واداري هواك لو يتقضي عمري
عمري باقي على عطفك وإحساسك أنا




مسافـتك
لامقدور أسيبك ولاعايش معاكي
لا معدود حبيبك ولا عاشق سواكي
أجيكي بكل طيبة وأنا العايزك حبيبة
تجيني بكل ريبة ولاقي عيون غريبة
كأنك ما قريبة
أجيكي بكل حناني واقول جنبك أماني
تجيني بشكل تاني تضيع مني الأماني
وافتش لي رضاكي
معاكي غلبت حيلة مسافتك مستحيلة
ولا الريدة النبيلة ولا العشرة الجميلة
ولا التحنان هداكي
بخاف من بكرة بعدك يالأخلفت وعدك
انا البشقيني بعدك يكون في بعدي سعدك
واعيش محروم هواكي
أكون يالله واهم وفاكر الخوة ريدة
وإنتي نهاكي فاهم ايه معني القصيدة
وأنا الحزنان وباكي

--------------------------------------------------------------------------------

شمس الدين ادم28-11-2009, 09:02 AM
منو القال ليك

منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
******
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
******
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك
*******


لقيتك

لقيتك في زمن ضائع صرخة في الماضي الخرافة
جيتني من عمق المواجع من شقى سنيني وجفافة
كلما ألقاك وحاتك ألقى دي السكة البخافة
*******
العمر يا غالي ودع لملم الآموا وجراحوا
عدى بي كل المرافي ودى للحاضر صراحو
قلبك الغلطان معاهو الله يغفر ليه ويسامحوا
*******
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح أشقى دا العكر صفاهو
*******
الحروف كانت تناجي همسة الصمت العابر
كنتا بستجدي العواطف زي مشرد حظو عاسر
العواطف هي هي ذكرى مرة وجرح كافر
*******

--------------------------------------------------------------------------------

شمس الدين ادم28-11-2009, 09:05 AM
خدعوك

خدعوك وجرحو سمعتك
نور وجنتيك طفتن مذارف دمعتك
*****
وين لونك الذهبي ونضارة لمعتك
كانت قلوب تخشي وتهاب من روعتك
ربك يجازي الخدعوك لمهالك الشر أودعوك
لابد ليهم يوم عسير يحيو ويقاسموك جرعتك
*****
وين عقلك الفاهم دليل وخبرتك
وين عقلك الثابت أساس وجبرتك
ربك يجازي الخدعوك لمهالك الشر أودعوك
هم ضللوك تخلو عنك سلوك
ما حسبو وراعو زكرتك
*****
خدعوك هل جازوك شئ من منيتك
أغروك فقدت أعز شئ في دنيتك
والخونة ظنوك تنساها وتجاهلو يوم الحساب
لكن تأكد ليك رب ياخد حقوقك وينصفك




جواب للبلد

ضــــل الـضـحـى الــرامـي ..
وشــمــس شــتـويـة دفــايـة ..
وريـحة الـبن ، لـما يـفوح فـي قلاية..
وفــــــــروة جـــــــدي .
وسبحة جـدي لـمن جـيت أمـد يـدي :
(جــــدي.. أديــنـي تـعـريـفة )..
(بـتـقرا الـحـمدو يــا الـمـبروك )..
(بـقـرها وشــان تـعـريفه الـقـاه)..
بــجـود فـــي الـقـراية كـمـان ..
منك يـــا يـمـة والله زمــان يا يمة .. !
وســبـحـة ( بــنــت الــفـكـي)
والــطــوريـة .. والـــواســوق..
وسـعف حـبوبة ، والحنقوق
وصــوت ( سـعدية ) بـت جـيرانا ...
تـشـحـد لـيـهـا فـــي طـايـوق.
وصـوت (عرفه) لما تخمج الدلوكة غناية...
الصور جوايا محفورة
الصــــور مــحـفـورة جــوايــا.

ولـــي الـلـيـلة ، ولـــي وبــــعــــد بــــاكــــر..
شــان الـزمن غـدار ومـا مـعروف..
زمــــــــن مــــكــــار ،
زمـانـا كـلـو خــوف فــي خـوف
بـــدور أجـيـك يايمه ضــاقـت بــيـا يــا يـمـه هـنـا
بـشـتاق يايـمـه لـي مـلاح الـنعيمية..
وريــحــة صــاجـك الـمـحـروق
ولـــمــا تــســوي طـعـمـيـة
وغـــــبـــــاشــــة روب ،
وعــــنــــزة حــــلــــوب

بــــدور أجيك أتــمـسـى بـعـيـونـك
وأصـابـحـك يـــا حـبـيـبتي أنــا
اتـــاري الـدنـيـا مــن دونــك...
شـيـنـة ومـــرة وحـــارة زي الــنـار..
ولو دورتي احكيلك عن حالي في البندر ،
أبدا بس من وين ؟؟
مـــا شـيـتـا غـريـب وعـجـيب
ده شـيـتا كـلـو شـيـن فــي شـيـن
هــنـا الـــزول الـعـديل ونـصـيح
وحــاتـك انـــت يـــا الـغـالـية
بـــعـــيــش حـــيــاتــو...
بــــي وشــيــن..
وزولــتــي الــحـتـي حـبـيـتها . يما وكان شفتي يا
لـقـيتها بــلاي ، تـحـب زولـيـن.. .
يـــا يـمـه والله زمــان وأيه !!


غضن الرياض

غصن الرياض المائد الناحلني هجرك
وإنت ناضر جفيتني ليه وأنا ليك رايد
ياغصن الرياض المائد
ما أظن عن غرامك لو أموت ماحائد
سهران ليلي طال والعين صحت ماجاير
تعبان قصدي ديمة وانت نافر وزايد
جفيتني ليه وانا ليك رايد
في الجيل جمالك سائد
عينيك لي جنود وانت ليهم قائد
يالنافر جفيتني بنظرة ليك ما عائد
شوفتك زي هلال العيد وفيهو أعاين
أنا وحبك ترعرعنا ونشأنا ندايد
من زمناً قبيل أيام حنان وعلائل
ماخلص القديم تبين مصايب جدايد
حن ياحبيب كفاني مر العذاب وشقاي
ياخلاصة الحواري المن جنان وخوالد
حسنك ليك يدوم لا أم تلد لا والد
داخل في ظلال مجدك تليد التالد
ياللابس العفاف حلية وعقود وقلائد
عانيت في الليالي متوقد وحائر
مشكلة بين هواك هواك وجفاك وانت محايد
ما ذنبي غير صغت النشيد الشائد
في مدحك برئ قصر الرشيد الشايل
جفيتني ليه وانا ليك رايد



هات لينا صبح

يخجل البدر يخمد المصباح ياليل هات لينا صباح
نحن كل صباح نبني في الآمال ماوجدنا رباح
سرنا المكتوم بالدموع إنباح والسهاد أصبح أمرو لينا مباح
*****
النسيم إن فاح يمتزج بذلال دمعنا السفاح
كم عشوق مهجور مضنى غير إصفاح
عينو في الورد روحو في التفاح
*****
يامنى الأرواح انت للعشاق كالشذى الفواح
عطر الدنيا وأملأ الاسواح
يغرو بيك الكون في غدوك رواح

*****
القلوب ترتاح من كمال التام للجمال ترتاح
أصلو زول لكن صورو الفتاح من سلالة الروح
نهلو للمرتاح
*****
الجمال شراح للصدور لكن للقلوب جراح
قالوا أهل الحب في الزمان الراح
نشوة الأحباب أحلي من الراح





السفر

تنساني أنا في اليوم بالمرة ياسيدي خاين
يامسافر إتدلا سيب السفر يلا
قلبي العشوق خلا ومن شوفتك إختلا
*****
بردي خاين ...

أصلو الحياة زكرى وفرق الأهل مرة
العمر أصلو ضايع وماضامنو لي بكرة
*****
ولسه خاين ...

سيب السفر سيبو دة القاسي تعذيبو
شلت القليب عندك وكيفن بتمشيبو



أذكري أيام صفانا

أذكري أيام صفانا وأذكري عهد اللقاء
والليالي الفي حبور
*****
أذكري أيام صفانا والليالي الفيها متبادلين وفاءنا
إصطفينا ظروفنا والحظ إصطفانا
جينا بي كل إقتراع بي حديث يشفي الجراح
بمغازلة وإنشراح القمربضياءه هاني
النسيم يهدينا أنفاس الزهور
*****
كنا داخل روضة مافيش حد سوانا
غير أن القمري يهتف بي هوانا
من أغاريد فنو أسمعنا إسطوانة
أما أرواحنا الخفاف رافية بي أثواب عفاف
زي عرائس يوم زفاف والنجوم بعيون تسامر
في إشتياق تنظرنا من خلف الستور
*****
الرياض في مبتهجة ضاحك إقحوانة
والزهور فرحانة إستقبل هوانا
طالعة يانعة زاهية في توب إرجوانة
النهار لينا إقترب والطيور تسجع طرب
وعاملة مزيكة قرب نحن صار مجلسنا عامر بالطرب
في نشوة في غبطة وحبور
*****
ياأنيس الحسن ياسامي المكانة
من عواطف الحب لو فاقد مكانة
أهدي لي تفاحة بس أو برتكانة
فهي غير شك مرضية منها إقتبس الضياء
بل أذوق طعم الحياة
إنت ملهمني الأغاني
إنت مصدر فني إحساسي وشعوري



عيوني وعيونك

عيوني وعيونك أسباب لوعتي
أسباب تشوق نظرتك أسباب نفورك نظرتي
بالصد تزيد في خبرتك بالحب أزيد في خبرتي
هواي يعجز فطرتك المر رفضت بفكرتي
*****
انت الذي أتعبتني وانت الذي فيك راحتي
لو آن هلاكي ولي دنيت أحيا وتحن لي فرحتي
كم إستغثت وكم دنيت من سقمي وإتلاف صحتي
كم رددت آهاتي كم دوى في الأفق صدى صيحتي
*****
جيوش إشتياقي هزمتني زادت أنتي
لو كنت قربي بأسرها فأجعل لحاظك سنتي

يانوري ياناري ياجنتي يانوري ياناري ياجنتي
أهوى الهلاك في هواك ليتخذ العوازل سنتي

--------------------------------------------------------------------------------

شمس الدين ادم28-11-2009, 09:11 AM
لهيب الشوق

زاد بي لهيب الشوق ماعارف أحوالا
الحلوه ست الناس ياريتني في بالا
مزروعة في جواي وأنا زدت في شوقا
محروسة بي ياسين وقلبي معشوقا
زي نفحة الياسمين سمحة وسمح زوقا
نار الغرام في الجوف زادن لهيب الشوق
الحلوة ست الناس صاحبة معالي وذرق
زي قمرة في دورين قمره في دورين أصلو الجميل معشوق
ليها الحنين دفاق وقلوبنا مشتاقة كاتلانا بي ريدا
ونحن عشاقا السمحة ست الناس حرقانا أشواقا

--------------------------------------------------------------------------------

شمس الدين ادم28-11-2009, 09:12 AM
الأهيف

اه الأهيف ابى ما يليم
من بعدو صار قلبي ضريم
يا ناس بي نار الفرقة
****
ولمتين يا كريم
الحظ يخدمني وحبيبي يليم
واراه الناعس الفاطرو كريم
يألفني ويترك لطباع الريم
****
هو جسمو سليم
وانا جسمي معنى وقليبي كليم
نور محيو البدري والليل يظلم
ليهو راحت الدنيا ولي التأليم
****
ولو مر نسيم
يتمايل غصنك منو مقيسيم
قبال الحاظك وما رأيت يا وسيم
والأعين تفعل فعل المكسيم
****
ما لي نديم
غير نجم الليل ومنامي عديم
لو كان يا مدلل لهجري تديم
أتعذب وتمنع حظي التقديم
****
وبقى شغلي نميم
وفراشي كتار وغطاي حميم
لو كان لي وصالك أوجد تتميم
لي سرك بحفظ في قليبي صميم
****
اه الأهيف ابى ما يليم
من بعدو صار قلبي ضريم
يا ناس بي نار الفرقة


يا روحي

يا روحي أنصفني في حكمك
لانو قاسي علي أنا يا حبيب ظلمك
****
تظلمني والأيام ما بتنصف الأنسان
تشاهد المحبوب عفوا عيان وبيان
بالنسبة لي لطفك والرقة يا فتان
ما كنتا تظلم من قد أضحى بيك ولهان
تتركني للماضي مع انو في الإمكان
تجدد الذكرى وتنسى كل الكان
****
أنا يا حبيبي غرامي تركتو للأيام
تركتا حب ودموع تركتا شوق وهيام
عودتا نفسي إذا ما اشتدت الالام
أصبر على الحرمان وأضحي بالأحلام
جنات هواي العذري ندية الأنسام
تخلي نار الشوق بردا علي وسلام
****
هيامي بيك يا فاتن مصدرو الإنصاف
أنصفتا حسنك حب وأنصفتا حبي عفاف
ذوبتا قلبي معاني أنيقة في الأوصاف
هومتا نفسي خيال في معبدك طواف
سكبتا روحي على كأس المحبة سلاف
هل بعد هذا أكون لسهام نواك أهداف
****






ناعس الأجفان

أنا من صفاك مسحور
وبالله أنت ملاك ولا من حسان الحور
يا ناعس الأجفان
****
وتزرف عيوني بحور
وأقضي الليالي غيام مابين شوق وهيام أرى النجوم في سحور
وفؤادي آه منحور
مقتول بغير سلاح وأقول بكل صراح سببي العيون الحور
****
وفيك الكمال محسور
أكظمتا كل حسود حسنك ضراه يسودعلى كل جيل بعصور
وطرفك لحاظو سريع أسدا شجاع وجسور
وليك نفرة الغزلان مع جبرة الفرسان في هيبة الأسطور
****
وأهيف رشيق مجبور
تتهادى تيه ودلال وما بين غرف وظلال لعب وترف محبور
سهمك علي مكفور
وإيه ذنبي غير هواك أنا يا جميل بهواك من قلبي ما مجبور
****
ويا البي العطاف مشهور
ندك عبير فياح وقوامك المياح أينع ثمر وزهور
وبي حبي دمعي جفور
وانا في دجاك يا ليل نجمك بقى لي خليل وفارقت نور ودهور
****
أنا لي زمن مأسور
هجراني ما هماك ويا اللي قاسي لماك من طول جفاك محسور
وحيات خديدك وجيدك وطريفك المكسور
أنا شعري ما بوفيك مهما ما أبالغ فيك منظومي والمنثور
****




مساء الخير
مساء الخير يا الأمير
يا الحبك شغل الضمير
غيرك ما لي سمير
****
وباهي طلعة ما ليك نظير
الزهر بخديك نضير
وطيف خيالك صار لي سمير
بي حنانك أنا مستجير
****
أرى الصيد منك عيون
أهدى فيك البانة لون
وبين ثمارك وهدر الغصون
تقسى كيف يهون
****
أنت منظر يفرح رؤاك
أنت ديمة الخير في خطاك
ونشقى نحنا وطالبين رضاك
تمسى بالخير يسعد مساك
****



اجلي النظر
اجلي النظر يا صاحي
في منظر الانسان الطرفو نايم وصاحي
صاحي كالنعسان
****
وفي الضي جبينا النادي والبدر خلان
تجمع كل لطافة ورقة ونفرة الغزلان
مابينوجسيما اللادن الكسلان
يزري الحرير الناعم والفريع اللان
****
وداعجة ومكحلة خلقة عظما الرحمن
بي الجمال جمال الخلقة إتوشحا الإيمان
هي في الجمال زي يوسف والوهيبة كمان
تمتاز بديسا طال وبي لهيج رمان
****
أنا قلبي طار من صدري يا حبيبي عشان
شوفتا حور الجنة داخل الحيشان
شوفتا العيون بتقهقر ضابط النيشان
شوفتا الجمال الوافر بي عظيم الشان
****
ومني السلام ما غنا شادن أو رطان
ومني السلام ما دنا بفارق الاقطان
يخضب بنانك حنة والوريد قيطان
والأيد رضاك يا ملكة نجلة الصلان

--------------------------------------------------------------------------------

شمس الدين ادم28-11-2009, 09:15 AM
الفات زمان

الكنت قايلو فات زمان

رجعتو بى طعم الغنا

احلام صباي والزكريات

هومت بي بالدندنة

اتارى فى جواي نغم

وهنا القليب بيدق هنا

ناسى الزمان اتغيرو

لكنى ما اتغيرت انا

اطياف هواي

الليلة جات تسأل

علي ملهوفة كيف

اجمل صور عبر الخيال

مرسومة فى خطوط الحروف

يا وجعة الزول اليتيم

ياحسرة القلب الرهيف

يا حليلة طلات الصباح

طى العوينات الشفيفة

الكنت قايلو فات زمان

الكنت قايلو فات زمان

مكتوب علي سفر الشجون

شوق الحنين ولوعة حزين

مكتومة فى اعماقى اناااا

محبوسة فى دموع العيون

لمتين ورااااااااااااااااااااك سفر الشقااااا

قولي متيين لى متين يكون

لمتين ورااااااااااااااااااااااك سفر الشقااااا

قولي متيين لى متين يكون

كأنى مديووووووون للعذاب

وأدفع سنين من عمرى دين

ما تشيلي هم

من الظروف ما تشيلي هم
بكره الزمن ليك بيتسم
يا الطالة في صبح العشم
أتصبري ما تشيلي هم


ما تشيلي همك في الدموع
بحر الحزن ما ليهو قيف
راجينك الفرح الجميل
شوق أنتطار عندك نقيف
يا غالية يا وعداً سمح
من فرقتك دفق النزيف
ليل الحزن بيكي أنهزم
أتصبري ما تشيلي هم



ما تشيلي هم عاشق بكى
دوزن وتر حبك غنا
شوقك شذا شوقنا الشديد
نضح الحروف بيك لونا

يا غالية يا شيتاً كتر يا نرجسا يا سوسنا
يا قبلي في الضحوي الرزم
أتصبري ما تشيلي هم


ما تشيلي هم نورك سطع
يا الراجعة من غربة وسفر
الشوق البعود بسمة ودموع
عمر السنين بيكي أزدهر
فرحت بالجية الورود
أتراقص الفل والزهر
أن شاء الله ما تشوفي الندم
أتصبري ما تشيلي هم

--------------------------------------------------------------------------------

شمس الدين ادم28-11-2009, 09:18 AM
وعد اللقيا

لو يزور طيفك خيالي ** يبقى وعد اللقيا قرب

أصلي مغرم بعيونك ** قلبي في بعدك معذب

أصلي في أيام غيابك ** ما بيزور النوم عيوني

طالعة في أنفاسي آهة ** يالهواك مصدر شجوني

ياما ديمة بغني ليك ** انت يا الهام عيوني و

تشرق الآمال في قربك ** وياما بيكي يضوي نوري

دنيك غير دنياك قاسية ** انت ساقطة وديمه ناسية

يا ما شوفتك لي شافية ** ابتسامتك ليا عافية

لو يزور طيفك خيالي .....



تؤام روح

قبل ألقاك وترسى الروح تسرح في الأماسي تروح
كنت بلاك جرح ما بروح قلباً بي الأنين مجروح
وجيت الليلة يا سيدي وبقيت لي روحي توأم روح

قبلك ما عرفت الحب ولا راودني في الأحلام
سابح في بحور فكري في أحزاني في الأوهام
حياتي رتيبة، غير عينيك وضحكة ثغرك البسام
وجيت الليلة يا سيدي وبعدك ما عرفت ملام

عرفتك ما عرفت الخوف شقتك ما قدرت أشوف
بقيت لي انت واحد وبس بيك قصرتا حد الشوف

إلا عيونك السمحة ولغة الحب ذواهب وروح
منهن أبقى بي مسعاي حولهن اشتياقي يطول
تؤام روح .... اوه أوه اوه اوه أو أو أو أوه



برتاح ليك

برتاح ليك.... يا غيمة ظليلة
وغيمة حب في الزمن القاسي..
زمن الضحكة بقت مفقودة
وكل الكون للفرحة ينادي..
برتاح ليك ..انا برتاح ليك ..

من ما شفتك وشوفت ملامحك
نبضك ملك أحساسي
دربك كلو ملان حنيا
ريدك يوم حيسود أنفاسي
شلت خطاك مترقب جيتك
قلت كلمات بزمني أساسي
برتاح ليك.....

دي الطبول دقت لمحيك
جيت لهواك دوقيه نحاسي
شاعر أني بريد كلي
من قدمي لسبيبة راسي
مش حأفرط فيك وأتنازل
ريدك أصبح رقم قياسي..
زمن الضحكة بقت مفقودة

برتاح ليك ..... يا غيمة ظليلة
روضة حب في الزمن القاسي
زمن البسمة بقت مفقودة
وكل الكون للفرحة ينادي..
برتاح ليك ..انا برتاح ليك ..

--------------------------------------------------------------------------------

شمس الدين ادم28-11-2009, 09:21 AM
من زمان

من زمن مستني عودة قلبي راحل
كنت بكتب ليهو بي دمي الرسائل
قلت فيهو أشعاري واتعذب ضميري
كل كلمة حنان يفيض يغمر شعوري
كل حرف كتبتو من أعماق شعوري
إفتكرتو يرد رسالتي يطمني بخطابو
ماخطر في بالي يأسرني بعتابو
نسى أول مرة دة أغراني بشبابو
وكل ما إتدلل يزيد إعجابي بيهو
كنت شايف الجنة في نظرات عينيهو
كل أسباب السعادة الكنت أنا بتمناها ليهو
كان جميل من قلبو دنا ويرحم عذابي
والدليل أنا شايفو عايش في خطابي
كل أيامو ولحظاتو الهنية
حاول يخفي شعورو ويتدلل عليّ



يا قايد الأسطول


يا قائد الاسطول تخضــع لك الفرسـان

ياذو الفخار والطول ارحم بني الانسان

----------------

مين لى سماك يطول ما بطولك اللمسان

معناك شرحه يطول على كل جيل فى لسان

اصدق كفانا مطول يا ذو الحسن وحسان

انا عقلى بيك مخلول والناس عقول ولسان

-----------

مابنكر المعقول امنت بالايمان

يا الطلسم المصقول بدلى خوفى امان

بالنور سحرت عقول كانت صــمـيمة زمان

يا من تحق القول قتل النفوس حرمان

----------

ما الجندى دا المقتول وطالب الغفران

من ايدو راح منتول واستعوض النيران

فاقد الصواب مبتول من ما راى حيران

واصبح زهر مشتول وفاح ملاء الجيران

---------------

يا الفى سماك مفصول تنشاف عيان وبيان

ماعرفنا ليك وصول وما دنيت احيان

انت الخطاك اصول يعلم الحيان
مثلت فينا فصول ما بدرسا النسيان

--------------------------------------------------------------------------------

عبدالرحمن احمد الطيب علي04-01-2010, 07:08 AM
اليوم نرفع راية استقلالنا
ويسطر التاريخ مولد شعبنا
يا إخوتي غنو لنا اليوم
يا نيلنا ..
يا أرضنا الخضراء يا حقل السنا
يا مهد أجدادي ويا كنزي العزيز المقتنا
يا إخوتي غنو لنا اليوم
كرري ..
كرري تحدث عن رجال كلأسود الضارية
خاضو اللهيب وشتتو كتل الغزاة الباغية
والنهر يطفح بالضحايا بالدماء القانية
ما لان فرسان لنا بل فر جمع الطاغية
يا إخوتي غنو لنا اليوم
وليذكر التارخ أبطلا لنا
عبد اللطيف وصحبهو
غرسو النواة الطاهرة
ونفوسهم فاضت حماسا كالبحار الزاخرة
من أجلنا ارتادوا المنون
ولمثل هذا اليوم كانوا يعملون
غنو لهم يا إخوتي ولتحيا ذكرى التاريخ
يا إخوتي غنو لنا اليوم
إني أنا السودان أرض السؤدد هذ ه يدي
ملأى بألوان الورود قطفتها من معبدي
من قلب إفريقيا التي داست حصون المعتدي
خطت بعزم شعوبها آفاق فجر أوحد
فأنا بها وأنا لها
وسأكون أول مقتدي
يا إخوتي غنو لنا اليوم

--------------------------------------------------------------------------------
__________________
نقره لعرض الصورة في صفحة مستقلة
محمد المجتبي غير متواجد حالياً   رد مع اقتباس
قديم 04-23-2011, 04:20 PM   #200
محمد المجتبي
عضو مميز
 
الصورة الرمزية محمد المجتبي
 
تاريخ التسجيل: Apr 2011
الدولة: الخرطوم\الرياض
المشاركات: 624
افتراضي

بسم الله والصلاة والسلام علي حبيب الله سيدنا وعظيمنا محمد بن عبد الله الصادق الامين وعلي اله وصحبه وسلم
__________________
نقره لعرض الصورة في صفحة مستقلة
محمد المجتبي غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 01:00 PM


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved. منتديات