العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > القصص والحكايات

إضافة رد
 
أدوات الموضوع انواع عرض الموضوع
قديم 07-17-2010, 03:58 PM   #1
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,050
افتراضي احاجي سودانية {{ احاجي الحبوبات }}

احاجي سودانية {{ احاجي الحبوبات }}
نقره لعرض الصورة في صفحة مستقلة



حجيتكم مابجيتكم,,خيرا جانا وجاكم,,قالوا: ابدأ ليكم بالقصة المعروفة قصة فاطمة السمحة ..!!!

فاطنة القصب الاحمر كانت أسمح بت في الحلة,عشان كده سموها فاطنة السمحة واي ولد في الحلة كان بيحلم يعرسا. يوم فاطنة مشت البحر ودخلت تعوم ورجعت البيت,, بعد داك جاء ولد عمها محمد يسقي الحمار حقو ,, وفجأ كده واثناء الحمار بيشرب بقى يهنق شديد ورقد في بطن الواطة زي كانو حاجة وقفت ليهو في حلقو,, محمد حاول يشوف الحصل علي الحمار لقى سبيبة شعر في حلق الحمار,,السبية كانت طويلة طول شديد محمد حلف يمين الا يعرس صاحبتا.
اها بعد كده اي بت في الحلة قاسو شعرها بالسيبة وكلو كلو ما لقوها,,في النهاية قالو يمكن تكون حقت فاطنة,,فعلا قاسوها طلعت من شعرها,,محمد قال الا يعرسا,,الجماعة قالو ليهو ماممكن لانو كان صغير شديد,,وهي كانت أكبر منو بي خمسة سنين,, ابا كلو كلو يتنازل عن قرارو.
يوم العرس لبسو فاطنة داك يا التوب وملوها بالدهب,,كانت جميلة جمال شديد,,طبعا فاطنة كانت رافضة العرس قامت واثناء الناس مشغولة شردت من البيت وجرت على الغابة,
بقت ماشة بين الشجر زمن طويل شديد,,فجأة لقت راجل عجوز مشت عليهو,,بعد سلمت عليهو قالت ليهو عمي اذا عايز تتطلع جلد عجوز تعمل ليهو شنو؟ قال ليها كان طقيتي عجوز بي شوكة في نص رأسو جلدو بيطلع,, فاطنة بسرعة شالت شوكة وطقتو في رأسو وطلعت جلدو لبستو,, بقت متنكرة في صورة العجوز.
بعد كده بقت ماشة وماشة وماشة لحدي وصلت ليها قصر كبير,,دخلت القصر وقالت عايزة تقابل الامير,,,اهاا قالت لي الامير عايزة تشتغل عندو,, الامير قال لي: بتعرف تزرع؟,, العجوز قال لي: ما فيني قدرة على الزراعة,,الامير قال لي: بترعى الغنم ؟ العجوز قال لي: بيجرن بعيد مابقدر ألحقن,, الامير قال لي: طيب بتعرف تعمل شنو؟ العجوز قال لي بعرف ارعي الوزين (يعني طيور الوز),, الامير قال ليهو خلاص كويس تاني كل يوم من الصباح تمشي البحر ومعاك واحد من الخدم ترعوا الوز وترجعوا مع الغروب.
اليوم التاني من الصباح طلع العجوز ومعاهو خادم بيكم(يعني ابكم),,لمن وصلو البحر العجوز طلع الجلد وظهرت فاطنة وكمان طلعت الدهب اللابساهو وختتو مع الجلد,, وطبعا الخادم مخلوع شديد لكن مابيقدر يتكلم,,اهاا فاطنة دخلت البحر مع الوز وبقت تغني.......
شن بدور يا بيكم..
كورعين حمام يا بيكم..
ريش النعام يا بيكم..
شعرا طويل يا بيكم..
متل الحرير يا بيكم..
واستمرت تغني كده والوز يرقص معاها لحدي الغروب,,طلعت ولبست الدهب والجلد,,والوز بيّض بيض كتير شديد,, لمن رجعوا القصر الخادم حاول يقول للامير شئ بقى يقوم ليهو اممم ام اممممم ويأشر,,والامير ماقدر يفهمو قام سأل العجور,,العجوز قال لي: بيقول ليك عيان كوكوني بالنار مشو كوهو بالنار.
برضو اليوم التاني مشى معاها خادم تاني,, برضو بيكم وحصل نفس الشئ,,الامير لمن سأل العجوز قال ليهو بيقول ليك يدي واجعاني اقطعوها لي,, وقطعو للخادم يدو,, بعد كم يوم الامير شك انو في شئ بيحصل في البحر.
اليوم البعدو الامير مشى قبل العجوز والخادم وطلع في شجرة جنب البحر,,لمن وصل الخادم والعجوز حصل نفس شئ طلعت الجلد والدهب ودخلت تعوم مع الوزين,,الامير اندهش شديد,, قام براحة بدون مايحس الخادم مد عصاية وشال خاتم من ختم فاطنة. لمن خلاص وقت الغروب جاء فاطنة طلعت تلبس الدهب والجلد لقت في خاتم ناقص,, قامت تتشاكل مع الخادم "تسرقني أنااا؟؟,,,شكيتك على الله,,اااا,,طلع الخاتم" وضربتو ضرب شديد,,الامير لمن شاف الحاصل رجع الخاتم براحة,, هي شافت الخاتم شالتو ولبست الجلد ورجعت مع الخادم القصر.
اليوم البعدو الامير نادى العجوز قال ليهو عمي العجوز رأيك شنو تلعب معاي شطرنج لكن البيفوز يطلع جلد التاني,,لعبو أول مرة فاز العجوز,,الامير قال ليهو: أعفيني,, العجوز عفى ليهو,, لعبو للمرة التانية وبرضو العجوز كسب,,الامير قال ليهو: اعفيني,,العجوز برضو عفى,, تالت مرة كسب الامير,,العجوز قال ليهو: اعفيني,,الامير ابا يعفي ليهو,, وشق جلدو وظهرت فاطنة السمحة.
بعد داك حكت لي الامير قصتها مع اهلها,,والامير رجعها قريتها وطلبها واهلها ووافقوا,,واتزوجوا وعاشو في تبات ونبات وخلفوا صبيان وبنات.

وراجعين تاني
فتكم بعافية

ياجماعة اى زول عندو اى قصة من احاجى حبوباتنا اسردها هنا

اديكم العافية
__________________
نقره لعرض الصورة في صفحة مستقلة

التعديل الأخير تم بواسطة صفيه كرم الله ; 04-12-2011 الساعة 04:17 AM
صفيه كرم الله غير متواجد حالياً   رد مع اقتباس
قديم 07-17-2010, 06:34 PM   #2
توفيق السيد بشير
عضو مميز
 
تاريخ التسجيل: Feb 2010
المشاركات: 2,329
افتراضي

يا سلام يا صفيه رجعتينا لي ايام زمان واحاجي الحبوبات الحنان

الله يرحم حبوبتي نفسية بت البطحاني ونفيسه بت زينب وحبوبه حرم
وحبوبه كلتوم فقد كن يرحمهن الله نمشي اليهن من واحدة لي اخرى ونحن نبحث عن
حكاية المغيرب وحجا الحبوبات الحنينات
واكل الربيت الذي يحسنن طريقته
والشاي باللبن واللقيمات

بالله واصلي سرد احاجي حبوباتنا زمان وما تتوقفي وانا بساعدك قدر ما اقدر

وواصلي وفي انتظار حجوة ود النميرررررررر

مع تحياتي ودمتي دائما بعافية
__________________
ما هنت يا سوداننا يوما علينا - ستظل هذه الصورة في قلوبنا للابدنقره لعرض الصورة في صفحة مستقلة
توفيق السيد بشير غير متواجد حالياً   رد مع اقتباس
قديم 07-18-2010, 05:16 PM   #3
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,050
افتراضي

اقتباس:
المشاركة الأصلية كتبت بواسطة توفيق السيد بشير مشاهدة المشاركة
يا سلام يا صفيه رجعتينا لي ايام زمان واحاجي الحبوبات الحنان


الله يرحم حبوبتي نفسية بت البطحاني ونفيسه بت زينب وحبوبه حرم
وحبوبه كلتوم فقد كن يرحمهن الله نمشي اليهن من واحدة لي اخرى ونحن نبحث عن
حكاية المغيرب وحجا الحبوبات الحنينات
واكل الربيت الذي يحسنن طريقته
والشاي باللبن واللقيمات

بالله واصلي سرد احاجي حبوباتنا زمان وما تتوقفي وانا بساعدك قدر ما اقدر

وواصلي وفي انتظار حجوة ود النميرررررررر


مع تحياتي ودمتي دائما بعافية
تسلم عم توفيق على المرور الجميل والمداخلة الاجمل

ربنا اديك الصحة والعافية
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 07-18-2010, 05:26 PM   #4
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,050
افتراضي

نماذج من حكايات الجعليين الشعبية


( 1 )" بير سعد الله "


قالو فى سخلتين و قمريتين و حمار ، و القمريتين ديل عندهن عيش ، قالن للحمار : احرس لينا العيش ده .مشن كده و جن لقنو مافى .قالن لو : العيش وين ؟قالهن : انا اتلفت كدى و جيت لقيتو مافى . بعدين اتشاكلو و كلو واحد قال للتانى اتا اكلتو .قالن لو : ارح لبير سعد الله نحلف فوقو .جات القمرية قالت :قوق قوق !اكان اكلتو يرمينى الله فى بير سعدالله و نطتجات القمرية التانية و قالت :قوق قوق !اكان اكلتويرمينى الله فى بير سعدالله و نطت جات السخيلة قالت :ميع ميع !اكان اكلتويرمينى الله فى بير سعد الله و نطت جات السخيلة التانية و قالت :ميع ميع !اكان اكلتويرمينى الله فى بير سعد الله و نطتجاء الحمار و قال :ها ها !اكان اكلتو يرمينى الله فى بير سعد الله و نطابببببببببببب وقع فى البير
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 07-18-2010, 05:29 PM   #5
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,050
افتراضي

نماذج من حكايات الجعليين الشعبية 2


(2)

ابليس

كان فى راجل ما بلعن ابليس ، و الناس وقت يلعنوا ابليس يقول ليه ابليس ده راجل انا ما
بلعنو ابدآ. عمل ليكن ايه لامن تنعلو. شفتوهو ابليس ده ، و لا فيكم واحد شافو لامن نضم معاهو . ابليس راجل طيب انا ما بلعنو ابدآ .بعدين راقد فى فراشو و فوق مرتبتو ، ابليس جاهو فى المنام . جاهو قالو : انا رايح اغنيك عشان انت راجل طيب و صاحبى و ما بتلعنى .قال لو : امشاك انا راح اديك مال كتير .ماشى معا ، بعدين قالو : يا ابليس يا اخوى انا فترتا .ابليس قالو : اركب فوق ضهرى !ركّبو فوق ضهرو ..ماشى ماشى بعدين قال لو : يا اخ انا زانقنى بول نزلنى انّبول .قال لو : انا يا اخى ما اصلى محل النجاسة و الخباثه بول فوقى و ارتاح انت الما بتلعنى .يلا الراجل بال شرررررررررر ، بال فوق فراشو ، المره قامت : يا راجل ! الله يلعن ابليس ! الله يلعنك يا ابليس .نعلتو الله عليك يا ابليس ! قعد يكورك فى الليل بقا ينعل فى ابليس . ومن اليوم داك بقى انعل ابليس فى كل شى
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 04-12-2011, 04:16 AM   #6
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,050
افتراضي

ام دهيبون
***************
كان في قرية بنت جات اخر العنقود وكان الفرق بينها وبين باقي اخوانها واخواتها كبير شديد.ابوها واخوانها كانوا من اكبر التجار ودلعوها دلع شديد.كانت اكثر البنات ذهبا مكنكشة كنكيش ما عادي.عشان كده سموها ام دهيبون.
يوم اتلموا البنات يلعبوا ومشوا على جه الغابة لقوا ليهم شجر نبق(سدر) شايل شيل تقيل. وقاموا اتفقوا زول يطلع يحت النبق والباقين يلقطوا.
قالوا لي ام دهبون انتي مدلعه وطلوع الشجر ما بتقدري عليه.
وهي زعلت واصرت تطلع وفعلا طلعت.وحتت ليهم النبق كلوا.بقوا هم يلقطوا في النبق السمح ويختوا ليهم والكعب والني يختوه ليها.لحدي ما نزلت.
وكل زول شال نبقوا وكان مصرور.لحدي ما وصلوا البئر.
قالوا نشوف نبق كل زول.
كل وحده نبقها اسمح من الثانية الا ام دهبون حقها كلوا كعب.
زعلت شديد وقالت انا راجعه تاني ألقط ارح معاي.كلهم ابو.وقالوا تعبانين بنستناك جمب البئر دي. وهي مشت براها زعلانة من حقارة البنات.
لقطت نبق اسمح من حقهم ورجعت ليهم.وورتهم نبقها وهم اتغاضوا شديد.سالتهم انتوا شربتوا بشنو؟؟
قالوا ليها رمينا ذهبنا والموية طفحت جابت لينا ذهبنا وشربنا.
قالت ليهم يعني انا لو رميت ذهبي بيجيني تاني؟؟؟.
قالوا ليها اي نحنا عملنا كده.
وفعلا شالت ذهبها كلوا ورمتوا في البئر.
بعد ما شالت ام دهيبون دهبها كلو ورمتوا في البئر
وقعدت استنت الموية تطلع وترجع ليها الذهب
ولا حس ولا خبر
والبنات قعدوا يضحكوا فيها
غشيناكي يا عويرة

شربنا ودسينا الجركانة
ومشوا خلوها
وهي قعدت متمحنة في المصيبة الجاتة بلادتها في تصديق البنات
وفجأة جات هبوب صفرااااااااااااااااااااااااا
قامت قعدت تكورك الله لي منك يا الهبوب
والهبوب ردت عليها
الله ليك من الوراي!!!!!!!!!!!!!!!
وجات بعدها هبوب حمراااااااااااااااا
وقعدت تكورك ليها
الله لي منك يا الهبوب
والهبوب ردت عليها
الله ليك من الوراي!!!!!!!!!!!!!!!!!!!!!!
وجات بعدها هبوب سوداااااااااااااااا
وقعدت تكورك ليها
الله لي منك يا الهبوب
والهبوب ردت عليها
الله ليك من الجواي!!!!!!!!!!!!!!!
وفجأة طلع ليها غول:000:
وام دهيبون قعدت تبكي وتبكي بكاء يقطع القلب
الغول قال ليها مالك يا بت قعد تبكي
قالت ليه بنات الحلة غشوني وخلوني ارمي دهبي كلو في البئر
الغول قال ليها انا بطلعوا لكن بشرط تعرسيني
ام دهيبون وافقت كان ابت حياكلها الغول وما في اي فائدة
قالت ليه اي بوافق
والغول قعد يشرب ويشرب في موية البئر لمن خلصت وطلع ليها ذهبها كلوا
وخطف ام دهيبون ومشى
البنات لمن رجعوا خافوا على ام دهيبون الخلوها براها وخافوا تكلم اهلها
ولمن رجعوا ليقوها مافي
وجروا لي اهلها كلموهم
ووروهم انهم رجعوا ما لقوا ام دهيبون
واهلها رجعوا معاهم وما لقيوا حاجة
قصوا الدرب لقيوا اثر الغول
وقال كدي نمشي للعجوز نسالها عن العمل
ومشوا للعجوز
وقالوا:عجوز كلامك يجوز ورينا نعمل لي بتنا ام دهيبون شنو
العجوز قالت ليهم تمشوا لي بيت الغول
لقيتوه نايم معناه صاحي
لقيتوه مفتح معناتوا نايم تكسروا اي حاجة في البيت وتشيلوا بتكم وتجروا وتمسوا الدرب الوراكم.
وفعلا مشوا لقوه مفتح
كسروا العده الفي البيت ونسوا الحجر البيطحنوا بة (الدحاية)
وشالوا ام دهيبون وجروا
بقت الدحاية تطير فوق وتنزل تضرب في راس الغول ويكورك: غول يا غول قوم يا غول
بتك ختفوها الرجال
الغول قام على حيلو وفتش وما قدر يلحقهم عشان الدرب الممسوح
واتغاظ غيظة
لكن يعمل شنو
وام دهيبون اتعظت وبقت ما بتمرق ذهبها خالص لأي سبب
__________________
نقره لعرض الصورة في صفحة مستقلة

التعديل الأخير تم بواسطة صفيه كرم الله ; 04-12-2011 الساعة 04:18 AM
صفيه كرم الله غير متواجد حالياً   رد مع اقتباس
قديم 04-12-2011, 04:21 AM   #7
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,050
افتراضي

عمك تنقو

عمّـك تنقـو بتعرفوه أكيد **** يا أخـواني ويا أحبابي
زول زول الله ساكي العيشة *** جاري وراها اساسق إدابي
همّـو الأول يربي أولاده *** يخرج جيل يفخر بيه و بالانساب
أولاد عمّـك ديل واعيين وناس راقين *** فهم وثقافة ونشاط طلابي
لمن دخلوا الجامعـة هاك يا مشاكل *** جاتم نازلة من غير اسباب
رسـوم في رسـوم معاها هِـموم *** عمّـك فكّـر بقـى سبابي
يجاري العيشـة ال ما بتتجارى *** ولا ينحرف يبقـى إرهابي
والعـازة تنقنق فوقو صباح وعشية *** ويدعـوا عليها يقرصك دابي
كره العيشـة وكره النِقـة وكره العازة ** قال ماشي ابيت الليلة مع اصحابي


نواصل ان شاءالله
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 04-12-2011, 09:33 PM   #8
عبد العزيز النور اللخمى
:: مشرف ديوان سنجه ::
 
تاريخ التسجيل: Apr 2010
الدولة: السودان .. سنار
المشاركات: 2,477
افتراضي

اختى صفية الف سلام
ذكرتينا عمك تنقو وقصصو العجيبة
ومقالبو الطريفة
اليكى هذه الحتوتة :
عمك تنقو بقى سواق
يسوق في العالي والدقداق
قال يا جماعة انا فنان
اسوق من كوستي لبورتسودان
ركب اللوري عد وفات
من امدرمان بطريق شمبات
يظهر عمنا كان مبسوط
خلى سواقتو وسف صعوط
خلى اللوري يلف ويدور
وسط عربات وقفن طابور
سايق ماشي بدون ترخيص
مافي خلاص من البوليس

واصلى إن شاء الله ونحنا معاك
__________________
نُراعُ إِذا الجَنائِزُ قَابَلَتْنا
ويَحْزُنُنا بُكاءُ الباكِياتِ
كروعة ِ ثلّة ٍ لمغارِ سبعٍ
فَلمَّا غابَ عادَتْ راتِعاتِ

عبد العزيز النور اللخمى غير متواجد حالياً   رد مع اقتباس
قديم 04-13-2011, 01:11 AM   #9
صفيه كرم الله
:: مشرفة المرأه والاسره ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,050
افتراضي

مشكوووووووووور اخى عبدالعزيز على الاضافة الجميله
والمرور الاجمل ربنا اديك الصحة والعافية
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 04-19-2011, 11:20 AM   #10
عبد المحسن ابراهيم
عضو مميز
 
الصورة الرمزية عبد المحسن ابراهيم
 
تاريخ التسجيل: Oct 2010
الدولة: سنجه الحي الغربي جوار التلفزيون
المشاركات: 1,087
افتراضي

شكراً لهذا الابداع والعوده بنا للزمن الجميل وحجى الحبوبات الرحلوا ربنا ارحمهم واغفر ليهم والموجودين ربنا اديهم الصحه ودي هديه مني ليك
عمك تنقو
تنقو رياضى لياقتو تمام
عضلات ساكت مافى عضام
فى يوم عمك صحى من بدرى
عجبو نشاطو وقال دار اجرى
لبس الشورت معاهو الكاب
وجزمة باتا بدون شرّاب
عمك سخـّن وقال يا الله
ونطط ساعتين جوّه الحلة
شويّة وعمك زاد فى غيّو
وقال فى نفسو مين الزيّو
زاد السرعة وعازة تنادى
لامن فات حلة بى غادى
كلب الطاهر شافو مُـشرّط
قال دا حرامى أكيد متورّط
نطـّا وقبال عمك يوعى
هاك يا قرّيم فوق الصلعة
__________________
قمه التحدي ان تعشق من ليس لك
وقمه الحزن ان تبتسم وفي عينك الف دمعه
وقمه الالم ان تسكت وفي قلبك جرح يتكلم
وقمه الاستغراب ان تنجرح ممن تحب
وقمه الحب ان تحب من جرحك
وقمه الوفاء ان تنسي جرح من تحب
عبد المحسن ابراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 04:30 PM


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved. منتديات