البسبوسة بالسمن البلدي حاجة ما تخلص

[ابوبكر محمد موسي]

طريقة عمل البسبوسة بالطريقة البسبوسية السودانية ...( دي جديدة كرت )

المقادير :

نصف كيلو من السميد
2 ملعقة كبيرة جوز هند
نصف ملعقة صغيرة باكنج بودر
ملعقتين كبار سمنة بلدية 100% (لا للتقليد)
كوب من لبن الزبادي
والقليل من الفول السوداني للزينة لكن بدي نكهه خطيرة ..
2 كوب من السكر ( الكباية الكبيرة )
وتجهيز قطر من الماء يعني سخن موية (كباية كبيرة سكر
مع كبايتين موية ..تابعوا المقادير كويس ونديها 3 نقط ليمون ..

الطريقة :

تخلط المكونات السميد وجوز الهند والسكر والباكينج باودر مع بعضها
ثم تضاف ملعقتين سمنة ولبن الزبادي وتترك العجينة لعشرة دقـــــائق
للتخمير..ثم ندهن الصينية سمنة بلدي برضو عشان الحكاية تكون كدا..
ونضع العجين في الصينية .. واهم حاجـــــة نوزع الخليط بكل الجوانب
ونقطع العجينة بتاعتنا قبل الفرن عي حسب حجم القطعـــــــــة الحابنها
ونزين بالفول السوداني.. وندخل الصينية في الفرن الي درجة التحمير..

نقطة مهمة :

قطر السكر لابد ان يضاف ساخن جدا وفي نفس درجة حرارة البسبوسة
يعني ( ساخن X ساخن )

ودا الشكل النهائي وبالهناء والشفاء.. عليكم الله ما خطيرة

اها لقيتوني كيف ؟؟؟

...........................

[سلوى]

لقيناااااااااااك ختير ختارة يا بكور

والله العظيم عملتها قبل اسبوع يمكن ...وبنفس الطريقة دي ومن مخي ساي ولا شفت لي اي وصفة بس سمعتها زمان وانا في الجامعة وصفة من بنت زميلتي وحاولت اتذكر وعملتها كده لكن عشان انا خايبة في الحلويات ما بعرف عملت شنو بس طلعت قوية يا بكور

ليه طلعت قوية وريني السبب عشان اصلحها تاني

وشكرا يا شيفنا المميز

[أم نورة]

المشاركة الأصلية كتبت بواسطة سلوى

لقيناااااااااااك ختير ختارة يا بكور

طلعت قوية يا بكور

ليه طلعت قوية وريني السبب عشان اصلحها تاني

بس دي تشوفي زول محروقه منه تفلقيهو بيها
مشكور يا بكري علي الوصفه

[ابوبكر محمد موسي]

المشاركة الأصلية كتبت بواسطة سلوى

لقيناااااااااااك ختير ختارة يا بكور

والله العظيم عملتها قبل اسبوع يمكن ...وبنفس الطريقة دي ومن مخي ساي ولا شفت لي اي وصفة بس سمعتها زمان وانا في الجامعة وصفة من بنت زميلتي وحاولت اتذكر وعملتها كده لكن عشان انا خايبة في الحلويات ما بعرف عملت شنو بس طلعت قوية يا بكور

ليه طلعت قوية وريني السبب عشان اصلحها تاني

وشكرا يا شيفنا المميز

شيف عديل كدا يا سلوي والله ما قصرتي

وكمان سؤال والله لقيت نفسي خطييير ههههههههه

طيب تعرفي يا سلوي اي نقص او زيادة في الكمية

بتدي نتيجة عكسية في البسبوسه لأنها حساسة جدا

اهم حاجة تتاكدي من حجم الصينية مع كمية الخليط

وما تكون اطراف الصينية عالية ..

واستعملي المقادير دي والنتيجة مضمونة 100%
عليك الله شوفتي ثقة اكتر من كدا

[ابوبكر محمد موسي]

المشاركة الأصلية كتبت بواسطة أم نورة

بس دي تشوفي زول محروقه منه تفلقيهو بيها
مشكور يا بكري علي الوصفه

مشكورة ام نورا للطله وان شاء الله عجبتك بسبوستنا

حقت سلوي دي شكلها بتسمع ليها في اغنية نسته في الفرن

[صفيه كرم الله]

[ابوبكر محمد موسي]

وسلمت ايديك الصفقت لي دي ..

بعني ناجح ولا عايز تصليح شوية ؟؟

[صفيه كرم الله]

المشاركة الأصلية كتبت بواسطة ابوبكر محمد موسي

وسلمت ايديك الصفقت لي دي ..

بعني ناجح ولا عايز تصليح شوية ؟؟

لا تماااااااااااااام

بس بخصوص الرد الى سلوى

بتكون البسبوسة قوية عندما يكون الدقيق اكتر بكتيييييير من جوز الهند

مفروض اذا كان الدقيقة كبايتين جوز الهند اكون كباية يعنى نص كمية الدقيق

وكدة مابتطلع قوية وكمان السكر بتاع الحلى (البترش فى النهاية)الشير اذا كان ساخن البسبوسة تكون باردة او العكس

وفى المقادير عندك جوز الهند شوية اكون نصف الكمية

[توفيق السيد بشير]

المشاركة الأصلية كتبت بواسطة ابوبكر محمد موسي

طريقة عمل البسبوسة بالطريقة البسبوسية السودانية ...( دي جديدة كرت )

المقادير :

نصف كيلو من السميد
2 ملعقة كبيرة جوز هند
نصف ملعقة صغيرة باكنج بودر
ملعقتين كبار سمنة بلدية 100% (لا للتقليد)
كوب من لبن الزبادي
والقليل من الفول السوداني للزينة لكن بدي نكهه خطيرة ..
2 كوب من السكر ( الكباية الكبيرة )
وتجهيز قطر من الماء يعني سخن موية (كباية كبيرة سكر
مع كبايتين موية ..تابعوا المقادير كويس ونديها 3 نقط ليمون ..

الطريقة :

تخلط المكونات السميد وجوز الهند والسكر والباكينج باودر مع بعضها
ثم تضاف ملعقتين سمنة ولبن الزبادي وتترك العجينة لعشرة دقـــــائق
للتخمير..ثم ندهن الصينية سمنة بلدي برضو عشان الحكاية تكون كدا..
ونضع العجين في الصينية .. واهم حاجـــــة نوزع الخليط بكل الجوانب
ونقطع العجينة بتاعتنا قبل الفرن عي حسب حجم القطعـــــــــة الحابنها
ونزين بالفول السوداني.. وندخل الصينية في الفرن الي درجة التحمير..

نقطة مهمة :

قطر السكر لابد ان يضاف ساخن جدا وفي نفس درجة حرارة البسبوسة
يعني ( ساخن X ساخن )

ودا الشكل النهائي وبالهناء والشفاء.. عليكم الله ما خطيرة

اها لقيتوني كيف ؟؟؟

...........................

بخت العروس تتكي وتنوم وتنتظر البسبوسة الرهيبة دي

ما عندك بسبوسه قليلة الدسم قليلة السكر لعمك

[ابوبكر محمد موسي]

المشاركة الأصلية كتبت بواسطة توفيق السيد بشير

بخت العروس تتكي وتنوم وتنتظر البسبوسة الرهيبة دي

ما عندك بسبوسه قليلة الدسم قليلة السكر لعمك

:d:d

تستاهل يا عم توفيق احلي بسبوسة في الدنيا
ونجيب ليك بسبوسة قليلة الدسم .. لكن قصة تتكي
وتنوم دي ما معانا هههههههههههههه مشكور
عم توفيق طلتك بالدنيا..وطعمها بسبوسة