العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الشعر والخواطر > هديل الاعضاء

إضافة رد
 
أدوات الموضوع انواع عرض الموضوع
قديم 08-15-2020, 07:46 AM   #1
عماد الدين بشير آدم فضل
# مجلس الشورى #
 
الصورة الرمزية عماد الدين بشير آدم فضل
 
تاريخ التسجيل: May 2010
الدولة: الرياض - المملكة العربية السعودية
المشاركات: 1,811
افتراضي قصيدة : ناس بورتسودان - أشعار / عماد الدين بشير آدم

قصيدة : ناس بورتسودان
أشعار: عماد الدين بشير آدم
الرياض
المملكة العربية السعودية
الجمعة 14 أغسطس 2020

بالله يا أهلي الحنان
بالله يا أهلي الكرام
بالله يا ناس بورتسودان
الكلكم عاليين مقام
بني عامر
الناس اللي معروفين تمام
ناس المروءة المن زمان
بالله يا أهلي الحنان
النوبة يا أهل الجبال
في كردفان
ما إنتو عايشيين بالمئات من السنين
بينكم مواثيق السلام والإحترام
بالله ليه بينكم تسود
لغة التشاحن والتباغض والتشاكس
بين بعض والإقتتال
ما هي ديك دارفور العزيزة
بتجري بحثا عن سلام
هي لم ترث
من الصراع غير الوبال
يا ناس جوبا
جيبوا السلام
بعد التفاوض
الطال وطال

يا أهلنا يا ناس بورتسودان
داء التمسك بالقبيلة
دة داء عضال
هي الجاهلية
كما ورد في سنة النبي
يوم أمر لصحابتو قال
هي ماها من شيم
ناسنا المقامهم فوق
مقامات الكمال
وهي ماها من أوصاف بناتنا
وهم كنداكاتنا
ديل بنوتنا
ديل أخواتنا
ديل أماتنا
ديل شقائق السادة الرجال

لازم يقيف بيننا القتال
مافي شيء أسمه المحال
باكر معاكم هيبة الدولة بتسود
ويعاقب المجرم على خرق العهود
ويؤدب الفات الحدود
دي وصية أشخيانا الكبار
دي وصية من ناسنا الجدود
والعفو بيننا هو الطريق
لي عيشة طيبة
لغادة نيرة الخدود
ولكل شاب بحلم بمستقبل سعيد
بي جهده
بي تفكيره عن بلده بيذود

لا منتصر ولا منهزم في صراعنا دة
والكل مهزوم
والهزيمة في جوفنا نار
هي أقسى من فعل التتار
علشان كدة لازم نصافي لبعضنا
والناس سواسية
من لدن آدم أبونا
ومن لدن حواء العظيمة دي أمنا
هات أيدي وأيدك
يلا نفلح أرضنا
هات أيدي وأيدك
يلا نبذل جهدنا
علشان نزيد خير ضرعنا
هات أيدي وأيدك
نبني سوداننا الجديد
الفيهو كل الناس سواء
مهما تكون ألواننا
أو أديانا
أو لو تختلف أشكالنا
ما نحن سوادانية
متساويين تمام في كل شي
فلا قبلية بتفرق تجمع شملنا
ولا طبقية تحجر كسبنا
وأنحنا ديل زي الاسود
أحرار وسادة أرضنا
نبنيها باكركلنا
عماد الدين بشير آدم فضل غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 02:39 AM


Powered by vBulletin™ Version 3.8.7
Copyright © 2020 vBulletin Solutions, Inc. All rights reserved. منتديات