العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الشعر والخواطر

إضافة رد
 
أدوات الموضوع انواع عرض الموضوع
قديم 02-08-2018, 12:00 PM   #1
عماد الدين بشير آدم فضل
# مجلس الشورى #
 
الصورة الرمزية عماد الدين بشير آدم فضل
 
تاريخ التسجيل: May 2010
الدولة: الرياض - المملكة العربية السعودية
المشاركات: 1,768
افتراضي قصيدة : يا سنجة منك ببتدي التاريخ / أشعار: عماد الدين بشير آدم

يا سنجة منك ببتدي التاريخ
أشعار: عماد الدين بشير آدم
الرياض
المملكة العربية السعودية
8 فبراير 2018

يا سنجة منك ببتدي التاريخ
وليك بتعود بداياته
وبالمجد المؤثل
إنت في ماضيك
كنت رفعتي راياته

ويشهد ليك مقام إنسانك الأول
بأنك من زماناً فات
أقمتي جليل حضاراته
وفيك يا سنجة
عبد الله الحسن
سطر بطولاته
وفيك أبو البتول جاهد
وحوله جميع رجالاته
هو كان متحدى للباغي
هو رفض الذل
وحوله جميع رجالاته
وكم من فيهم استشهد
وكم من بات معاكي فخور
فخور بالرغم من إنه
سجين في سلاسل أغلاله
وكل أجيالنا تحكي عظيم رواياته
وبطولاته وحكاياته
سعيد بي جهاده لي بلده
وراضي ووإنت راضية عليهو يا سنجة
بما قسمه الإله
ومن الكريم جاته

وزيك مافي يا سنجة
نعدد كيف نقول عن مين
عن الجايين من أولادك
ولا نقول عن الفاتو
ولما نقول بيسمع لينا
كل الكون
كواكبه وكل مجراته
نجيلة السطر الكلمات
وأبدع في مقالاته ورواياته
وكل أدباك كتبوا حروف
وشعر رصين
وغنوا معاك بالترديد وبالتلحين
وشالوا وطننا جوة العين
ومسحوا دموعه بي الخوة
وبي وحدتنا ريدتنا وتنوعنا
ونحنا دوام ماسكين في حبل الدين
حياتنا هي باقية دنيا ودين
مجسد في البشر زاته

وفي كل المحافل لينا نحن وجود
سياسيين وفنانين
نقابيين رياضيين
بياطرة مهندسين وقضاة ومحاميين
وفالحين البلد
نحن الزراعيين
وفي الإنجاز عملنا كبير
شغلنا نضيف
عملنا الزين
وديل أولادنا مغتربين
وبي هم سنجة مشغولين
جمعنا فلوس كتير وقليل
جمعنا فلوس من النقدين
عشان تعمير مدارسنا
دعمنا كتير نداء سنجة
ونهضة سنجة
منتدى سنجة
دعمنا معلمات سنجة
دعمنا المشفى والنادي
وكسونا الجائع المحتاج
من أفخر ملابسنا
قلوبنا دوام تفتش للعمل والخير
ونفرح لما نلقي الخير
بدورنا لينا كايسنا
ونحن حلفنا نبني بلدنا
مهما يطول المشوار
ومهما تظلم الأقدار
وليل البؤس مهما طال
لازم بي جهادنا نحيل ظلامه نهار
وليل البؤس مهما طال
لازم بي جهادنا نحيل ظلامه نهار
بوفر بالعمل قوتنا وحاوئجنا
ونمسح بالعمل دمعة مآقينا
ونطعم كل شعوب الكون
من انتاج مزراعنا
فواكهنا ومواشينا
ونسمع كل حبايبنا
صوت مكنات مصانعنا
وتزغد بالفرح أم الحسن وسكينة وأمونة
عماد الدين بشير آدم فضل غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 10:23 AM


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. منتديات